هەناردەکردنەوەی نەوتی هەرێمی کوردستان دەستپێدەکاتەوە

ئاڤا نیوز

وەزیری نەوتی عێراق ئاشکرایکرد، لە چەند کاتژمێری داهاتوودا هەناردەی نەوتی هەرێمی کوردستان لە ڕێگەی بەندەری جەیهانی تورکیاوە دەستپێدەکاتەوە.

ڕاگەیێنراوی فەرمی: حەیان عەبدولغەنی، جێگری سەرۆکوەزیران و وەزیری نەوتی عێراق، لە کاتی بەسەرکردنەوەی بەندەری "خۆر ئەلزوبەیر" لە پارێزگای بەسرە ڕایگەیاند:

- کۆمپانیای سۆمو لەڕێگەی بەندەری جەیهانی تورکیاوە دەست بەهەناردەکردنەوەی ئەو نەوتە دەکات کە لە کێڵگە نەوتییەکانی هەڕێمی کوردستان بەرهەم دێت.

- لە قۆناغی یەکەمدا بە ڕێژەی سەرەتایی ڕۆژانە 185 هەزار بەرمیل هەناردە دەکرێت.

- قۆناغ بە قۆناغ  ئەو ڕێژەیە زیاد دەکات تاوەکو دەگاتە ئەو بڕەی لە بودجەی گشتی فیدراڵیدا دیاری کراوە.

ئەوەی پێویستە بیزانیت: ڕۆژی سێشەممە 25ـی شوباتی 2025، مارکۆ ڕوبیۆ، وەزیری دەرەوەی ئەمەریکا و محەممەد شیاع سوودانی، سەرۆکوەزیرانی عێراق پەیوەندییەکی تەلەفۆنییان ئەنجامدا و تاوتوێی کۆمەڵێک پرسی گرنگیان کرد. یەکێک لەوانە، جەختکردنەوە بوو لە زوو هەناردەکردنەوەی نەوتی کوردستان.