حەماس: درێژکردنەوەی قۆناغی یەکەمی ئاگربەستی غەززە ڕەتدەکاتەوە

ئاڤا نیوز

دوای ئەوەی لەماوەی 42 ڕۆژدا قۆناغی یەکەمی ئاگربەستی غەززە کۆتاییهات، ئێستا بزووتنەوەی حەماس ڕەتیدەکاتەوە قۆناغی یەکەمی یەکەمی ئاگربەست درێژبکرێتەوە. 

چیڕۆکی سەرەکی: دوای 15 مانگی شەڕ و وێرانکاری کەرتی غەززە، دواجار لە 15-1-2025 ڕێککەوتنی ئاگربەست و ئاڵوگۆرکردنی زیندانیکراوانی نێوان ئیسرائیل و حەماس بە نێوەندگیریی ئەمریکا و قەتەر و میسر ڕاگەیێنرا، ئەمڕۆ 1-3-2025 قۆناغی یەکەمی ئاگربەستەکە کۆتاییهات.

 

ڕاگەیێنراوی فەرمی: حازم قاسم، وتەبێژی بزووتنەوەی حەماس ڕایگەیاند، لە ئێستادا هیچ دانوستاندێک لەگەڵ بزووتنەوەکەدا نییە سەبارەت بە قۆناغی دووەمی ڕێککەوتنی ئاگربەست لە کەرتی غەززە و ئاڵوگۆڕی بارمتەکان لەگەڵ ئیسرائیل، هاوکات درێژکردنەوەی قۆناغی یەکەم ڕەتدەکەینەوە.

 

باکگراوند: ساڵێک و سێ مانگە شەڕ لە کەرتی غەززە هەڵگیرساوە لە 19-1-2025 ئاگربەستەکە کەوتە بواری جێبەجێکردنەوە، ڕێککەوتنە سێ قۆناغ لەخۆدەگرێت، هەر قۆناغێکیش 42 ڕۆژ دەخایەنێت.