بەریتانیا ملیاران دۆلار قەرز دەداتە ئۆکراینا

 

ئاڤا نیوز

کیێر ستارمەر، سەرۆکوەزیرانی بەریتانیا و ڤۆلۆدیمێر زێلێنسکی، سەرۆکی ئۆکراینا لە لەندەنی پایتەختی بەریتانیا کۆبوونەوە و ڕێککەوتنێکی پێدانی قەرزیان واژۆ کرد.

چیرۆکی سەرەکی: دوای سەردانەکەی دوێنێی بۆ کۆشکی سپی و دروستبوونی گرژی و ئاڵۆزی لەگەڵ دۆناڵد ترەمپ، سەرۆکی ئەمریکا، ڤۆلۆدیمێر زێلێنسکی، سەرۆکی ئۆکراینا کۆشکی سپی جێهێشت و گەیشتە بەریتانیا.

لێدوانی فەرمی: کیێر ستارمەر سەرۆکوەزیرانی بەریتانیا بە گەرمی پێشوازی لە سەرۆکی ئۆکراینا کرد و ڕایگەیاند، لەو کاتەی پێویست بکات بەریتانیا پشتگیری ئۆکراینا دەکات.

ئاماژەی بەوەشکرد، هەردووکیان دەیانەوێت ئاشتییەکی بەردەوام بۆ ئۆکراینا بەدەستبهێنن، کە لەسەر بنەمای سەروەری و ئاسایش بۆ ئۆکراینا بێت و ئەوە بۆ ئەوروپا و بەریتانیا گرنگە.

لەلایەکی دیکەوە: ڤۆلۆدیمێر زێلێنسکی، سەرۆکی ئۆکراینا سوپاسی بەریتانیای کرد و ئەو وڵاتەی وەک هاوبەشێکی ستراتیژی وڵاتەکەی ناوزەندکرد.

زانیاری زیاتر: کیێر ستارمەر، سەرۆکوەزیرانی بەریتانیا و ڤۆلۆدیمێر زێلێنسکی، سەرۆکی ئۆکراینا ڕێککەوتنێکیان بۆ پێدانی قەرز بە بەهای دوو ملیار و 841 هەزار و 498 دۆلار بۆ ئۆکراینا واژۆ کرد.