بۆ بەشداریکردن لە لووتکەی کۆمکاری عەرەبی فوئاد حوسێن گەیشتە قاهیرە

 

ئاڤا نیوز

بە مەبەستی بەشداریکردن لە کۆبوونەوەی بە پەلەی ئەنجوومەنی وەزیرانی کۆمکاری عەرەبی تایبەت بە دۆخی غەززە، وەزیری دەرەوەی عێراق گەیشتە قاهیرەی پایتەختی میسر.

وێنە گەورەکە: ئامادەکارییەکان بۆ لووتکەی نائاسایی وڵاتانی عەرەبی لە قاهیرە بەردەوامن و سبەی وەزیرانی دەرەوە کۆدەبنەوە، ڕۆژی سێشەممەش سەرۆککۆمار سەرۆکایەتی شاندی عێراق بۆ بەشداریکردن لە لووتکەکە دەکات کە تایبەتکراوە بە دۆخ و چارەنووسی کەرتی غەززە.

ڕاگەیێنراوی فەرمی: بەگوێرەی ڕاگەیێنراوێکی وەزارەتی دەرەوەی عێراق، سەردانی فوئاد حوسێن، وەزیری دەرەوەی عێراق بۆ بەشداریکردنە لە کۆبوونەوەکانی ئەنجوومەنی وەزیرانی کۆمکاری عەرەبی کە بە بەشداری عێراق بەڕێوەدەچێت، لە چوارچێوەی ئامادەکارییەکانە بۆ لووتکەی عەرەبی کە بڕیارە ڕۆژی سێشەممە 4ـی ئازار بەڕێوەبچێت.

بە تەنیشت ئەو بابەتەوە: بڕیارە عەبدوللـەتیف ڕەشید، سەرۆککۆماری عێراق سەرۆکایەتی شاندی عێراق بکات بۆ کۆبوونەوەیەکی بەپەلە لەبارەی پێشنیازەکەی دۆناڵد ترەمپ، سەرۆکی ئەمریکا بۆ ڕاگواستنی خەڵکی فەڵەستین بۆ ئوردن و میسر و بوونیادنانەوەی غەززە.

ئەوەی پێویستە بیزانیت: عێراق پشتیوانی هەڵوێستی یەکگرتووی عەرەبی دەکات بۆ دووبارە ئاوەدانکردنەوەی غەززە و ڕاگەیاندنی ئاگربەستی هەمیشەیی، کۆچپێکردنی خەڵکی غەززەش ڕەتدەکاتەوە.