ڕووسیا هەوڵدەدات ڕێککەوتن لەگەڵ سووریا بکات

ئاڤا نیوز

ڕۆژنامەی وۆڵ ستریت جۆرناڵ بە پشتبەستن بە بەرپرسان ئاشکرای کرد، پەیوەندییەکانی ڕووسیا لەگەڵ سەرکردایەتی نوێی سووریا پەرەی سەندووە و هەوڵی گەیشتن بە ڕێککەوتن دەدەن.

زانیاری بەدەستهاتوو: ڕۆژنامەی وۆڵ ستریت جۆرناڵ لە زاری دوو بەرپرسی باڵای ڕووسیا  بڵاوی کردەوە، دوای پەیوەندییە تەلەفۆنییەکەی نێوان ئەحمەد شەرع، سەرۆکی سووریا بۆ قۆناغی ڕاگوزەر و ڤلادیمێر پووتین، سەرۆکی ڕووسیا، پەیوەندییە دیپلۆماسییەکانی نێوان هەردوولا پەرەی سەندووە، بڕیارە دانووستانەکانیان بۆ هێشتنەوەی بنکە سەربازییەکانی ڕووسیا دەستپێبکات.

ئەوەی لەبارەیەوە دەگوترێت: بەپێی هەمان سەرچاوە، دانووستانەکانی ڕووسیا و سووریا بۆ فراوانکردنی پەیوەندییە دیپلۆماسی و ئابوورییەکان لەناویاندا ملیاران دۆلار لە وەبەرهێنانی کەرتی گاز و پاراستنی بنکە سەربازییەکانە.

پێدراوە ڕاستەکان: ڕووسیا دوو بنکەی سەربازی لە سووریا هەیە کە بریتین لە؛ بنکەی ئاسمانی  حمێمیم لە نزیک بەندەری لازقیە و بنکەی دەریایی تەرتوس لە کەنارەکانی دەریای ناوەڕاست، ڕووسیا بەوە تۆمەتبار دەکرا کە بەردەوام هاوکاری ڕژێمی بەشار ئەسەد دەکات لە بەکارهێنانی ئەم بنکانە و بۆردومانکردنی هاووڵاتییانی سڤیل.