تورکیا: پشتیوانی گەل و حکومەتی سووریا دەکەین

ئاڤا نیوز

تورکیا لەڕێگەی وەزارەتی دەرەوەی وڵاتەکەی پشتیوانی خۆی بۆ سووریا دەردەبڕێت و ڕایدەگەیەنێت، "دژ بە هەر کارێکین مافی هاووڵاتیانی سوریا بکاتە ئامانج".

وێنە گەورەکە: شەوی ڕابردوو لە شاری لازقیە و لە ناوچەی کەناراوەکانی ڕۆژئاوای سووریا هێز و چەکدارەکانی پاشماوەی ڕژێمی بەشار ئەسەد هێرشیان کردە سەر هێزەکانی ئاسایشی حکومەتی سووریا و لە ئەنجامی شەڕ و پێکدادانی نێوان هەردوو هێزەکە دەیان کەس کوژران، وەزارەتی دەرەوی تورکیا سەبارەت بە ڕوداوەکانی سووریا پشتیوانی خۆی بۆ حکومەت و گەلی ئەو وڵاتە دەربڕی.

لێدوانی فەرمی: ئونجو کەچێلی، وتەبێژی وەزارەتی دەرەوەی تورکیا ڕایگەیاند:

- دژ بە هەر کارێکن کە مافی هاوڵاتیانی سووریا لە ئاسایش و سەلامەتی بکاتە ئامانج و پشتیوانی حکومەتی تورکیای بۆ گەل و حکومەتی سووریا دووپات کردەوە.

- شەڕو پێکدادانە ناوخۆییەکانی سووریا ڕێگر و بەربەستێکی گەورە دەبن لە پێشکەوتنی سووریا و دەبێت بە زووترین کات کۆتایی پێبهێنرێت.

زانیاریی زیاتر: شەڕ و پێکدادانەکانی نێوخۆی سووریا لە چەند ناوچەیەک بەردەوامە و حکومەتی ئەو وڵاتە دڵنیایی دەداتە هاوڵاتیانی سووریا لە بەردەوامی ڕاوەدونان و ڕووبەڕووبونەوەی هێزەکانی پاشماوەی ڕژێمی بەشار ئەسەد.