بزووتنەوەی حەماس ئەنجامی کۆبوونەوەکانی لەگەڵ ئیسرائیل ڕادەگەیەنێت

ئاڤا نیوز

وتەبێژی بزووتنەوەی حەماس ئەنجامی کۆبوونەوە و دانوستانەکانی قاهیرە سەبارەت بە قۆناغی دووەمی ڕێکەوتنامەی ئاگربەستی نێوان ئیسرائیل و حەماس ڕادەگەیەنێت.

چیرۆکی سەرەکی: ڕۆژی هەینی 2025-03-07، هەردوو وەفدی بزووتنەوەی حەماس و ئیسرائیل بۆ گفتووگۆکردن لەسەر دەستپێکردنی قۆناغی دووەمی ڕێککەوتنامەی ئاگربەستی نێوانیان لە قاهیرەی پایتەختی میسر کۆبوونەوە، وتەبێژی بزووتنەوەی حەماس، ئەنجامی کۆبوونەوەکە بە ئەرێنی ناودەبات.

لێدوانی فەرمی: عەبدوللەتیف قانوع، وتەبێژی بزووتنەوەی حەماس سەبارەت بە ئەنجامی کۆبوونەوەکان ڕایگەیاند، کۆبوونەوەکان ئەرێنی بەڕێوەچوون و وەفدەکەمان داوای زیادکردنی هاوکارییە مرۆییەکانیان بۆ کەرتی غەززە و هەڵگرتنی گەمارۆکانی کرد.

زانیاریی زیاتر: سەرەڕای بەردەوامی گفتوگۆ و دانوستانەکان لە نێوان ئیسرائیل و حەماس، لە ئێستادا بە فەرمانی بنیامین نەتانیاهۆ، سەرۆکوەزیرانی ئیسرائیل هەموو ڕێگاکانی سەر کەرتی غەززە داخراون و  چوونەژوورەوەی هاوکارییە مرۆییەکان بۆ شارەکە ڕاگیراوە.