ئەمریکا پشتیوانی خۆی بۆ پێکهاتەکانی سووریا دووپات دەکاتەوە

ئاڤا نیوز

وەزارەتی دەرەوەی ئەمریکا ڕاگەیێنراوێکی بە ناوی مارکۆ ڕوبیۆ، وەزیری دەرەوە، سەبارەت بە تووندوتیژییەکانی ئەم دواییەی سووریا بڵاو دەکاتەوە و داوای پاراستنی سەرجەم پێکهاتەکان دەکات.

 

ڕاگەیێنراوی فەرمی: وەزارەتی دەرەوەی ئەمریکا لە ڕاگەیێنراوەکەدا سەرکۆنەی تووندوتیژییەکان کردووە و تیایدا هاتووە: "ئەمریکا تیرۆریستە ئیسلامییە ڕادیکاڵەکان، لە ناویشیاندا جیهادییە بیانییەکان، سەرکۆنە دەکات کە لەم ڕۆژانەی دواییدا خەڵکیان لە ڕۆژئاوای سووریا کوشتووە." 

 

- ڕاگەیێنراوەکە پاڵپشتی بۆ پێکهاتەکانی سووریا دەربڕیوە و تیایدا هاتووە کە "ئەمریکا لە پاڵ کەمینە ئایینی و ئیتنیکییەکان، لە ناویشیاندا کۆمەڵەکانی کریستیان، عەلەوی و کورد، دەوەستێت."

 

- وەزارەتی دەرەوەی ئەمریکا سەرەخۆشی لە کەسوکاری قوربانیان دەکات و دەڵێت "دەبێت دەستەڵاتی ڕاگوزەری سووریا لێپرسینەوە لە تاوانکارانی ئەم کۆمەڵکوژییانە بکات کە دژ بە کەمینەکانی سووریا کراوە."