پێنج وڵات لەبارەی ڕووبەڕووبوونەوەی تیرۆر بڕیار دەدەن

ئاڤا نیوز

لە کۆبوونەوە پێنج قۆڵییەکەی دوێنێی عومان بریاری گرنگ لەبارەی دۆخی سووریا و هەماهەنگی وڵاتان بۆ رووبەروبوونەوەی تیرۆر کراوە لە ناوچەکە.

چیرۆکە سەرەکییەکە: دوێنێ یەکشەممە، کۆبوونەوەی پێنج قۆڵی لە نێوان ئوردن، عێراق، سوریا، لوبنان و تورکیا لە عەممانی پایتەختی ئوردن بەڕێوەچوو. دوای کۆبوونەوەکە وەزیرانی دەرەوەی هەر پێنج وڵات راگەیەندراوێکییان بڵاوکردەوە و داوای پێهێنانی ناوەندێکی ئۆپراسیۆنی تایبەت دەکەن بۆ رووبەروبوونەوەی تیرۆرستانی داعش و راگەیەندراوەکە چەند بڕیارێکی دیکە لەخۆ دەگرێت.

 

ئەو تەوەرانەی لە کۆبوونەوەکە باسکران:

•    دروستکردنی ناوەندێکی ئۆپراسیۆنی هاوبەش بۆ رووبەربوونەوە و نەهێشتنی مەترسییەکانی تیرۆرستانی داعش.
•    هاوکاری لە شەڕی بازرگانیکردن بە ماددە هۆشبەرەکان و چەک.
•    پاراستنی ئاسایشی سنوورەکان.
•    زیادکردنی هاوکاری بۆ بنیاتنانەوەی سووریا.
•    پێشهاتەکانی سووریا و چالێنجەکانی ناوچەکە.
•    کۆبوونەوەیەکی دیکە لە تورکیا بۆ گەڕانەوەی ئاوارەکان ئەنجام دەدرێت.

زانیاریی زیاتر: هەروەها جەخت لەوە کراوەتەوە کە پێویستە پشتیوانی لە هەوڵەکانی گەلی سووریا بکرێت بۆ ئاوەدانکردنەوەی زێدی خۆیان لەسەر بناغەیەک کە ئاسایش و سەقامگیری و سەروەری و یەکپارچەیی خاکی وڵات مسۆگەر بکات و ماف و ئاسایشی خۆیان بپارێزن. لەگەڵ ئەوەشدا، داوایان کرد ئیسرائیل هێرشه کانی بۆ سەر سووریا ڕابگرێت و پابه ند بێت به ڕێککه وتنی جیاکردنه وەی هێزه کان که له ساڵی 1974 له نێوان سوریا و ئیسرائیل واژوو کراوه .

ئەمەش بزانە: هاکان فیدان، وەزیری دەرەوەی تورکیا ئاماژەی بەوەدا کە پەکەکە نوێنەرایەتی گەلی کورد ناکات. ئەوەتا لە تورکیا خاوەنی یەک  مەتریش نین، بەڵام لە سووریا سێیەکی خاکی ئەو وڵاتەی لەژێر دەستدایە، لە کوردستانی عێراق 700 گوندی لەژێر دەست دایە و شنگالیشی کۆنترۆڵ کردووە. ئەمە تەنها کێشەی تورکیا نیە، بگرە، کێشەی عێراق و سووریا و ئێرانیشە، کێشەیەکی ناوچەییە، ئێمە لای خۆمانەوە کێشەکەمان چارەسەر کردووە، لە هەماهەنگی بەردەوام دەبین بۆ ئەوەی ولاتانی دیکەش هەوڵی چارەسەرکردنی ئەم بابەتە بدەن هاوشێوەی چارەسەرکردنی داعش.