لە سنووری زاخۆی نزیکە 8 هەزار پارچە زەوی بۆ دابەشکردن ئامادە دەکرێن

ئاڤا نیوز

 

قۆناغی دووەمی دابەشکردنی زەوی بەسەر فەرمانبەران لە ئیدارەی سەربەخۆی زاخۆ دەستیپێکردووە، بڕیارە لەم قۆناغە نزیکەی 15 هەزار فەرمانبەر زەوی وەربگرن و بەشێکی زەوییەکان لە قۆناغی ئامادەکردندان.

 

وێنە گەورەکە:  لە ئیدارەی سەربەخۆی زاخۆ، قۆناغی یەکەم چوار هەزار و 747 پارچە زەوی دابەشکران و ئێستا 7 هەزار و 788 فۆڕمی پەسەندکراو گەڕێنراونەتەوە شارەوانی و کار لەسەر دابینکردنی زەوی دەکرێت بۆیان.

 

لێدوانی فەرمی: ئیدریس عەبدوڵڵا، جێگری سەرۆکی شارەوانی زاخۆ بە ئاڤای گوت، "سنووری زەوییەکان دیاریکراوە و نەخشەی تەواوی بۆ دروست دەبێت، هەر زەوییەک 200 مەترە، شوێنی قوتابخانە و مزگەوتی تێدا جیادەکرێتەوە دوای پەسەنکردنی نەخشەکە دەست بە ئەنجامدانی تیروپشک بۆ دابەشکردنیان دەکرێت."

 

ئەمەش بزانە: پرۆسە پێداچوونەوە و وردبینی هەروەها پەسەندکردنی نەخشەی شوێنی تەرخانکراو سێ بۆ چوار مانگی پێویستە.