خەمیس خەنجەر: ڕێککەوتنەکەی دیمەشق و هەسەدە مێژووییە

ئاڤا نیوز

سەرۆکی هاوپەیمانی سەروەریی سوننەکان، ڕێککەوتنەکەی نێوان حکومەتی سووریا و هەسەدە بە مێژوویی ناودەبات و دەڵێت، یەکێتی سووریای گەڕاندەوە کە لە سەردەمی دەسەڵاتەکەی ئەسەددا دابەشکرابوو.

وێنە گەورەکە: دوای ڕووخانی ڕژێمەکەی بەشار ئەسەد لە مانگی 12ـی ساڵی ڕابردوو، بۆ یەکەمجار و بە ئاشکرا ڕۆژی 2025-03-10، مەزڵووم عەبدی، فەرماندەی گشتیی هەسەدە و ئەحمەد شەرع، سەرۆککۆماری سووریا بۆ قۆناغی ڕاگوزەر کۆبوونەوە و ڕێککەوتنێکی هەشت خاڵییان واژۆ کرد، ڕێککەوتنەکەش لە ئاستی شەقامی سووریا و وڵاتانی ناوچەکە و جیهان کاردانەوەی فراوانی لێکەوتەوە و پێشوازیی لێکرا.

پەیامی فەرمی: خەمیس خەنجەر، سەرۆکی هاوپەیمانی سەروەری سوننەکان لە عێراق، لە پەیامێکدا ڕایگەیاند:

٠ ئەم دەستکەوتە مێژووییە لە سەرکردایەتیی و گەلی سووریا پیرۆزبێت.

٠ کۆبوونەوەی وڵاتانی دراوسێی سووریا لە عەممان لێکتێگەیشتنی گرنگی تێدا هاتووەتە ئاراوە کە لە ڕۆژانی داهاتوودا زیاتر ڕوون دەبێتەوە، بەتایبەت لە نێوان عێراق و سووریا.