نزیکەی دوو هەزار مووچەخۆر بەهۆی بایۆمەترییەوە مووچەکانیان ڕاگیراوە

 

ئاڤا نیوز

زیاتر لە دوو هەزار هەزار کەس ماون بایۆمەتری بکەن و زۆرینەیان خانەنشینی سەربازیی و مەدەنین، بەشێکیان لەدەرەوەی هەرێمی کوردستانن و هێشتا مامەڵەیان نەکردووە. دوای ئەوەی بایۆمەتری دەکەن مووچەکانیان بۆ دەگەڕێتەوە.

 

وێنە گەورەکە: هەر فەرمانبەر و مووچەخۆرێک خۆی لە سیستەمی بایۆمەتری تۆمارنەکربێت، مووچەکەی لە فەرمانگەکەی خۆی ڕادەگیرێت، دەبێت خۆی لە پرۆسەکە تۆمار بکات، تا کۆدی بایۆمەتری بۆ بکرێت، دواتر مووچەکەی بۆ خەرج دەکرێت.

زانیاریی تایبەت: بەگوێرەی زانیارییەکانی ئاڤا کە لە فەرمانگەی تەکنەلۆژیای زانیاریی وەریگرتووە، زیاتر لە دوو هەزار مووچەخۆر ماون کە ئەو پرۆسەیان تەواونەکردووە و مووچەیان ڕاگیراوە، بەشێکی زۆریان خانەنشینن و لە دەرەوەی وڵاتن.

لە لایەکی دیکەوە: سەرچاوەیەکی باڵا لە خانەنشینی گشتیی هەرێمی کوردستان بە ئاڤای گوت، "ئەو خانەنشین و مووچەخۆرانەی بایۆمتریان نەکردووە دوای تەواوکردنی پرۆسەکە مووچەیان بۆ دەگەڕێتەوە و سەرجەم ئەو مووچانەشی وەریاننەگرتووە بۆیان خەرج دەکرێت."