ڕوونكردنەوەیەكی پێویست لەبارەی وەرگرتنی مووچە لەڕێگەی هەژماری من

ئاڤا نیوز

ئەو مووچەخۆرانەی هەرێمی كوردستان كە لە چوارچێوەی هەژماری من، هەژماری بانكییان لەسەر بانكە ئەهلییەكانی عێراقە، لەو كاتەی مووچەكەیان دەخرێتە سەر هەژمار بانكییان، نامەی ئاگاداركردنەوەیان لەڕێگەی كورتەنامەی كۆڕەك تیلیكۆمەوە پێ ناگات.

وێنە گەورەكە: مانگانە لەو كاتەی مووچە دەخرێتە سەر هەژمارەكانیان، مووچەخۆران لەلایەن بانكەكانیانەوە كورتەنامەیەكیان لەڕێگەی هێڵی پەیوەندیكردنی كۆڕەك تیلیكۆمەوە پێ دەگات، ماوەی چەند مانگێكە، بانكە ئەهلییەكانی عێراق بەتایبەتیش بانكی ئەهلی عێراقی (NBI) لەكاتی تەحویلكردنی مووچە بۆ سەر هەژمارەکانیان، كورتەنامەی ئاگاداركردنەوە بۆ ژمارە مۆبایلی ئەو مووچەخۆرانە نانێرێت كە لەو بانكە خۆیان تۆماركردووە.

زانیاریی بەدەستهاتوو: ئەو فەرمانبەرانەی مووچەكانیان لە بانكی ئەهلی عێراقی وەردەگرن، باس لەوە دەكەن، چەندین مانگە لەكاتی هاتنی مووچە لەڕێگەی كورتەنامە ئاگادار ناكرێنەوە و زانیارییان نییە لەوەی كە مووچە هاتووەتە سەر هەژمارەکانیان یاخود نا.

چارەسەرەکان: ئاڤا بەدواداچوونی بۆ ئەم بابەتە كردووە و پەیوەندی بە بانكی ئەهلی عێراقی كرد، بەشی كارگێڕیی ئەلیكترۆنیی بانكەكە دەڵێن، بەجێگەی ئاگاداركردنەوەی هەڵگرانی كارتی بانكی، ئەپڵیكەیشنێكمان بەردەست خستووە بەناوی (NBI) كە پێویستە خاوەن هەژمارەكان ئەم ئەپە داونڵۆد بكەن و ئەژماریی تایبەت بەخۆیان بكەنەوە و مانگانە لەو ئەكاونتە ئاگادار دەكرێنەوە بە هاتنی ڕاژە بۆ سەر هەژمارەكانیان.