بانکی ناوەندیی: گه‌شتیاران ده‌توانن له‌ مانگێكدا سێ هه‌زار دۆلار ڕابکێشن

ئاڤا نیوز

بانکی ناوەندیی عێراق گۆڕانکاری له‌ ڕێنماییه‌کانی پێدانی دۆلار به‌ گه‌شتیاران دەکات، بەپێی ڕێنماییه‌که‌ لەمەودوا هه‌ر گه‌شتیارێک مانگانه‌ ده‌توانێت به‌ کارتی بانکی له‌ ده‌ره‌وه‌ی وڵات سێ هه‌زار دۆلار ڕابکێشێت.

نووسراوی فه‌رمی: بانکی ناوەندیی عێراق نووسراوێک ئاراسته‌ی سه‌رجه‌م بانکه‌کان ده‌کات، بۆ ئه‌وه‌ی گۆڕانکاری نوێ له‌ پێدانی دۆلار به‌ گه‌شتیاران بکه‌ن، بەتایبەتی بۆ ئەو کەسانەی گەشتی دەرەوە دەکەن.

ئه‌وه‌ی پێویسته‌ بیزانیت:  لەمەودوا گه‌شتیاران ده‌توانن له‌ مانگێکدا سێ هه‌زار دۆلار ڕابکێشن، به ‌مه‌رجێک ڕۆژانه‌ له‌ 500 دۆلار زیاتر نه‌بێت.

بۆچی گرنگه‌: ئەم هەنگاوەی بانکی ناوه‌ندیی عێراق بۆ جێگریکردنی نرخی دۆلاره‌ له‌ بازاری ڕەش، کە خۆی هه‌ر 100 دۆلارێک به‌ 132 دینار فەرمی دەفرۆشێت، به‌ڵام نرخەکەی ئێستا لە بازاڕ 150 هه‌زار دیناره‌.