بەهۆی گواستنەوەی نەوتی ئێران ئەمریکا سزا بەسەر کۆمپانیایەکی سەنگافوور دەسەپێنێت

 

ئاڤا نیوز

بەهۆی بازرگانیکردنەوە بە نەوتی ئێرانەوە، بۆ یەکەمجار ئەمریکا سزای بەسەر کۆمپانیایەکی سەنگافووردا سەپاند.

وێنە گەورەکە: بەئامانجی لاوازکردنی ژێرخانی ئابووریی ئێران، ئەمریکا بەردەوامە لە سەپاندنی سزای زیاتر بەسەر وڵاتەکەدا، لە نوێترین سزاشدا کۆمپانیایەکی سەنگافووری بەهۆی بازرگانیکردن لەگەل ئێران سزا دا.

ڕاگەیێنراوی فەرمی: بەگوێرەی ڕاگەیێندراوێکی وەزارەتی گەنجینەی ئەمریکا، کۆمپانیای "ماریتایم لۆد پی تی ئای"ـی سەنگافووری، بەهۆی تێوەگلان لە مامەڵە و گواستنەوەی نەوت و بەرهەمە نەوتییەکانی ئێران سزا دا.

زانیاریی زیاتر: جگە لەم کۆمپانیایە، ئەمریکا سزای نوێی بەسەر 18 کۆمپانیا و 13 کەشتی وڵاتانی جەزائیر، چین، بەنگلادیش و سریلانکادا سەپاند، کە بە بازرگانیکردن بە نەوتی ئێرانەوە تێوەگلاون.