كۆریای باكوور بۆ هێرشكردنە سەر كۆریای باشوور مەشق دەكات

ئاڤا نیوز

ئاژانسی هەواڵی ناوەندیی كۆریای باكوور ڕایگەیاند مانۆڕی سەربازیی هێزەكانی ئەو وڵاتە لە سەر ئاستێكی فراوان بەڕێوەچووە. مانۆڕەكە وەڵامێكە بۆ مانۆڕە هاوبەشەكانی ئەمریكا و كۆریای باشوور كە كۆریای باكوور بە مەترسیی بۆ سەر خۆی دەزانێت. 

چیرۆكی سەرەكی: كیم جۆنگ ئون، ڕێبەری كۆریای باكوور، سەرپەرشتی مانۆڕی سەربازیی وڵاتەكەی كردووە. لە مانۆڕەكە تەقەمەنیی ڕاستەقینەی جەنگی بەكار هاتووە و ئەو یەكانە تیایدا بەشدار بوون كە دەتوانن هێرش بكەنە سەر سیئۆل، پایتەختی كۆریای باشوور.

لەلایەكی دیكەوە: كۆریای باشوور ڕایگەیاندووە لە نزیكەوە چاودێریی دۆخەكە دەكەن و لە مانۆڕەكەی كۆریای باكووردا ڕۆكێتی ڕاستەقینە بە ئاراستەی دەریای زەرد تەقێنراون. 

ئەوەی پێویستە بیزانیت: لەم ساڵەدا، كۆریای باكوور كۆریای باشووری بە "دوژمنی سەرەكی" ناساندووە و هەڕەشەی هەڵگیرساندنی شەڕی كردووە ئەگەر "تەنانەت لە هەزاردا یەك میلیمەتر"ی سنوورەكەی ببەزێنرێت.