سوپای پاسداران: ئامادەین وەڵامی هەموو هێرشێکی ئەمریکا بدەینەوە

ئاڤا نیوز

 

فەرماندەی سوپای پاسدارانی ئێران هەڕەشەی وەڵامی تووند بۆ هەر هێرشێکی ئەمریکا دەکات لە ئەگەری ئەنجامدانی هەر هێرشێک بۆ سەر بنکە و بارەگاکانی سوپای پاسداران.

 

وێنە گەورەکە: دوای هێرشی ئەمریکا بۆ سەر بنکە و پێگە سەربازیەکانی حوسیەکان لە یەمەن، دۆناڵد ترەمپ، سەرۆکی ئەمریکا هەڕەشە لە ئێران دەکات و داوا دەکات دەست لە پشتگیریکردنی حوسییەکان هەڵبگرن و لە ئەگەری بەردەوامی پشتیووانی سەربازیی ئێران بۆ حوسییەکان، ئەوا وەڵامی تووندی ئەمریکا دەبینن. فەرماندەی سوپای پاسدارانی ئێرانیش لە پەیامێکدا کە لە کەناڵی تەلەفزیۆنی فەرمی ئێرانەوە بڵاوکرایەوە، هەڕەشەی وەڵامی بەهێزی سوپای پاسداران دەکات لە ئەگەری هەر هێرشێکی ئەمریکا بۆ سەر ئێران.

 

لێدوانی فەرمی: حوسێن سەلامی، فەرماندەی سوپای پاسداران ڕایگەیاند، سوپای پاسداران لە حاڵەتی ئامادەباشیدایە و ئامادەی هەر وەڵامێکن لە ئەگەری هەر هێرشێکی ئەمریکا بۆ سەر بنکە و بارەگاکانی سوپای پاسداران و وەڵامی ئێران بەهێز و  یەکلاکەرەوە دەبێت.

 

زانیاریی زیاتر: سەلامی گوتیشی: "دووژمنی فریودەر بانگەوازی دانوستاندن دەکات و هەڕەشەی هێرشیش دەکات، دڵنابن پیلانی دوژمن شکست دەهێنێت."  

 

لەلایەکی دیکە: دۆناڵد ترەمپ، سەرۆکی ئەمریکا هاوکات لەگەڵ بڕیاری هێرشی سوپای ئەمریکا بۆ سەر بنکە و پێگە سەربازیەکانی حوسیەکان، پەیامێکی ئاراستە کردن و لە ئەگەری بەردەوامی "دوژمنکاریەکانیان" بەرامبەر بەرژەوندییەکانی ئەمریکا، هەڕەشەی ئەوەی لێکردن کە "شاهیدی دۆزەخ دەبن کە پێشتر هەرگیز نەتانبینیوە".