سەرۆکی حکومەتی حەماس لە ‌هێرشەکەی ئیسرائیلدا کوژرا

ئاڤا نیوز

 

 

لە هێرشە بەرفراوانەکەی ئیسرائیل بۆ سەر کەرتی  غەززە، ژمارەیەک بەرپرسی باڵای حەماس کوژران لە نێویاندا، عیسام دەعالیس سەرۆکی حکومەتی حەماس هەیە.

 

 

چیرۆکی سەرەکی: لە شەوی ڕابردووەوە، ئیسرائیل هێرشێکی چڕی بۆ سەر کەرتی غەززە دەستپێکردووە، بەهۆیەوە تاوەکو ئێستا زیاتر لە 350 کەس کوژراون کە بەشێکیان بەرپرسی باڵا و ئەندامی بزووتنەوەی حەماسن.

 

ڕاگەیێنراوی فەرمی: بزووتنەوەی حەماس ڕایگەیاندووە،'' عیسام دەعالیس، سەرۆکی حکومەتی کەرتی غەززە لە لیستی ئەو بەرپرسانەدایە کە لە هێرشەکانی ئیسرائیل بۆ سەر کەرتی غەززە کوژراون".

 

زانیاری بەدەستهاتوو: لە هێرشەکانی ئیسرائیل بۆسەر کەرتی غەززە، ژمارەیەک بەرپرسی باڵای بزووتنەوەی حەماس کوژراون، لەنێویاندا ئەبو عوبەیدە جەماسی، ئەندامی مەکتەبی سیاسیی حەماس، بەهجەت حەسەن ئەبو سوڵتان، بەرپرسی ئۆپەراسیۆنەکانی وەزارەتی ناوخۆ لە غەززە، مەحموود ئەبو وەتفا، بریکاری وەزارەتی ناوخۆی سەر بە حەماس و ئەبو عومەر ئەلخیتی، بریكاری وەزارەتی داد لەنێو کوژراوەکاندان.