کێشەی دابەشکردنی مووچەی پەرلەمانتاران چارەسەر کرا

ئاڤا نیوز

 

بەهۆی نەبوونی هەژماری بانكی، پەرلەمانتارانی خولی نوێی پەرلەمانی كوردستان ئەمڕۆ نەیانتوانیوە لە كاتی خۆیدا مووچەی مانگی دوو وەربگرن و بریارە سبەی مووچە وەربگرن.

وێنە گەورەکە: بەپێی خشتەی وەزارەتی دارایی بۆ دابەشكردنی مووچە، بڕیاربوو ئەمڕۆ سێشەممە مووچەی سەرجەم پەرلەمانتاران و كارمەندانی پەرلەمانی كوردستان بۆ مانگی دوو دابەش بكرێت، کە هەر پەرلەمانتارێك بڕی حەوت ملیۆن و 422 هەزار و 500 دینار مووچەكەیەتی، بەڵام بەهۆی نەبوونی هەژماری بانکی دابەشکردنی مووچەکانیان دواکەوت.

زانیاریی ئاڤا: سەرچاوەیەک لە پەرلەمانی كوردستان بە ئاڤا میدیای ڕاگەیاند: دوو ڕۆژە سەرقاڵی كردنەوەی هەژماری بانكین بۆ ئەوەی مووچەی مانگی دووی پەرلەمانتارانی نوێی پەرلەمانی کوردستان بچێتە سەر حسابەكانیان، بەڵام ئەمڕۆ تەواو نەبوو و سبەی پرۆسەكە تەواو دەبێت. 

 

ئەوەی پێشبینی دەکرێت: بەگوێرەی زانیارییەکانی ئاڤا، بڕیارە پەرلەمانتاران و کارمەندانی پەرلەمانی کوردستان سبەی مووچەی مانگی دوو وەربگرن.