ئەمریکا: پلانی ئاگربەست لە غەززە هێشتا لە ئارادیە

 

ئاڤا نیوز

وەزارەتی دەرەوەی ئەمریکا پێیوایە کە "پلانێکی کاتی هەیە بۆ درێژکردنەوەی ئاگربەست لە غەززە، بەڵام دەرفەتی ئەم کارە و جێبەجێکردنی بە خێرایی کەم دەبێتەوە، بۆیە پێویستە زوو جێبەجێبکرێت".

وێنە گەورەکە: پێشنیازی ئەمریکا بۆ ئاگربەست لەلایەن ستیڤ ویتکۆف، نوێنەری ئەمریکا خرایەڕوو، کە تێیدا داوای درێژکردنەوەی ئاگربەست لە غەززە تا 20 ـی نیسان دەکات لەگەڵ ئازادکردنی ژمارەیەک بارمتە کە ئەمریکا لە پێشنیازەکە ناویانی هێناوە هاوکات، ئیسرائیل هاوکارییە مرۆییەکان بۆ کەرتی غەززە دەستپێبکاتەوە.

لێدوانی فەرمی: وتەبێژی وەزارەتی دەرەوەی ئەمریکا ڕایگەیاند،'' لە ئێستادا ئەمریکا پلانێکی کاتی هەیە بۆ درێژکردنەوەی ئاگربەستەکە، هۆکاری نەگەیشتن بەم پێشنیازە و جێبەجێکردنی بۆ حەماس دەگەڕێتەوە، هێشتا دەرفەتەکە هەیە، بەڵام بە خێرایی کەم دەبێتەوە''.

باکگراوند: دوای 57 ڕۆژ لە ڕاگرتنی شەڕ لە 2025-03-18، ئیسرائیل دەستی بە هێرشەکانی بۆسەر کەرتی غەززە کردەوە، هێرشەکان بە جۆرێکبوون لە چەند کاتژمێرێکی کەمدا سەدان هاووڵاتی کوژراون و برینداربوون.