لە ڕۆژانی نەورۆز هاتووچۆی بارهەڵگەرەكان لە ناوچە گەشتیاری و سەیرانگەكان قەدەغەیە

 

ئاڤا نیوز

لەپێناو ڕێكخستنی هاتووچۆ و ڕوونەدانی جەنجاڵی لەناوچە گەشتیارییەكان لەڕۆژانی جەژنی نەورۆزدا، هاتووچۆی هەولێر بڕیاری قەدەغەی هاتووچۆی بارهەڵگرە قەبارە گەورەكانی دەركرد لەو ڕێگەوبانانەی كە دەكەونە سەر شوێنە گەشتیاری و سەیرانگەكان.

وێنە گەورەكە: ساڵانە لە ڕۆژانی پشووی جەژنی نەتەوەیی نەورۆزدا لە 21، 22 و 23ـی ئادار، ژمارەیەكی زۆری هاونیشتمانیان سەردانی سەیرانگە و شوێنە گەشتیارییەكانی هەرێمی كوردستان دەكەن، بەهۆیەوە قەرەباڵغی لە شەقامەكان دروست دەبێت.

ڕاگەیێنراوی فەرمی: بەڕێوەبەرایەتیی هاتووچۆی هەولێر شۆفێرانی بارهەڵگر ئاگادار دەكاتەوە كە لەبەر بەرژەوەندیی گشتی و لەپێناو ڕێكخستنی هاتووچۆ و ڕوونەدانی جەنجاڵی لە هەر سێ ڕۆژی جەژنی نەورۆزدا، بڕیاردرا بە قەدەغەكردنی هاتووچۆی ئۆتۆمبێلی بارهەڵگری قەبارە گەورە لە كاتژمێر 7ـی بەیانی تاوەكو 12ـی شەو، لەو ڕێگانەی دەكەونە سەر شوێنە گەشتیاری و سەیرانگەكان تا پشووی جەژن كۆتایی دێت.