یەدەگی دراوی بیانی عێراق دادەبەزێت

ئاڤا نیوز

 

بەهۆی پێشبینی دابەزینی زیاتری نرخی نەوت، مەترسی زیاتر لەسەر یەدەگی دراوی بیانی عێراق دروست بووە.

وێنە گەورەکە: یەدەگی دراوی بیانی عێراق لە ساڵی 2024 دادەبەزێت و پێشبینییەکان بۆ دابەزینی نرخی نەوت لە ساڵی 2025 مەترسی زیاتر لەسەر یەدەگی دراوی بیانی عێراق دروست دەکات.

 

پێدراوە ڕاستەکان: بانکی ناوەندی عێراق رایگەیاند، یەدەگی دراوی بیانیمان لە چارەکی سێیەمی ساڵی 2024 دابەزیوە و نرخی نەوت بە هۆکاری سەرەکی ئەم دابەزینە دەستیشان دەکات.

 

- دیارترین هۆکارەکانیش بۆ ڕێوشوێنی تووندکردنەوەی دراو و دابەزینی نرخی نەوت دەگەرێنێتەوە. یەدەگی دراوی بیانیمان بە ڕێژەی 0.52٪ دابەزیوە و گەیشتووەتە 143.35 تریلیۆن دینار (109 ملیار و 640 ملیۆن دۆلار)، لەکاتێکدا لە هەمان ماوەی ساڵی 2023دا بڕەکە بریتی بووە لە 144.10 تریلیۆن دینار (110 ملیار و 210 ملیۆن دۆلار).

 

هۆکارە زانراوەکان: بەگوێرەی ڕاپۆرتی بانکی ناوەندی عێراق دابەزینی نرخی نەوت و زیادبوونی خەرجییە گشتییەکان، دوو هۆکاری سەرەکین بۆ کەمبوونەوەی رێژەی یەدەگی دراوی بیانی عێراق.

 

مەترسییە پێشبینیکراوەکان: دابەزینی یەدەگی دراوی بیانی دەبێتە هۆی بەرزبوونەوەی مەترسییە داراییەکان لەو وڵات، بەرزبوونەوەی مەترسییەکانیش هۆکارە بۆ کەمبوونەوەی وەبەرهێنانی دەرەکی.

لەلایەکی دیکەوە، زیادبوونی تێچوونی وەبەرهێنان و بەرزبوونەوەی تێچوونی قەرزی دەرەکی بەشێكی دیکەی کاریگەرییە نەرێنییەکانی دابەزینی یەدەگی دراوی بیانین. 

 

لەلایەکی دیکەوە: بانکی ناوەندی عێراق ئاماژە بەوە دەکات سیاسەتەکانمان بەرەو بەهێزکردنی سەقامگیری داراییە و بەردەوام دەبین لە پاراستنی سەقامگیری دارایی.