لە ناسرییە هێزێکی ئەمنی هەڵیکوتایە سەر ماڵی چالاکوانێک

ئاڤا نیوز

بەرەبەیانی ئەمڕۆ هێزێکی ئەمنی لەشاری ناسرییە هەڵیکوتایە سەر ماڵی چالاکوانێکی مەدەنی و  دەستبەسەرکرا، هۆشداریش لەتێكچوونی بارودۆخی شارەکە دەدرێت.

چیرۆکی سەرەکی: بەرەبەیانی ئەمڕۆ هەینی 21-3-2025، هێزێکی ئەمنی هەڵیکوتایه سەر ماڵی چالاکوان، ئیحسان ئەبو کەوسەر و له هەلومەرجێکی ناڕووندا باوکی ده ستگیردەکەن، دوای ئەوەی چەندین  بۆمبی دوکەڵ ڕێژیان لەدەروبەری ماڵەکەی به کارهێناوه و تەقەیان بە ئاسماندا کردووه و خەڵکی گەڕەکەکەیان تووشی دڵەڕاوکێ کردووە.

لێدوانی فەرمی: داوود عێدان، پەرلەمانتاری عێراق لە پشکی پارێزگای زیقار ڕایگەیاند: پشکنینی ماڵی چالاکوانێک دوای دەستگیرکردنی پێویستی بەو هەموو هێزە ئەمنی و تۆقاندنی خەڵکی ناکات و ئەوەی لە ناسرییە ڕوودەدات لە ئەستۆی سەرۆکوەزیرانی عێراقدایە.

ئەوەی پێویستە بیزانیت: ئیحسان ئەبو کەوسەر بە یەکێک لە دیارترین چالاکوانی خۆپیشاندانەکانی تشرینی شاری ناسرییە دادەنرێت لە 8-3-2025 بە فەرمانی بەڕێوەبەری پۆلیسی پارێزگاکە هێزێکی ئەمنی هەڵیکوتایە سەر ماڵەکەی و دەستگیری کرد، دواتر گواسترایەوە بۆ بەڕێوەبەرایەتیی هەواڵگری گشتی.