کەجەکە داوای ئازادکردنی ئۆجەلان و نەمانی ئیمڕالی دەکات

ئاڤا نیوز

کەجەکە، بۆ نەورۆزی ئەمساڵ ڕاگەیێنراوێکی بڵاوکردەوە و داوا دەکات ئۆجەلان ئازاد بکرێت و ئازاری ئەشکەنجەیی ئیمڕالی کۆتایی پێ بێت.

وێنە گەورەکە: دوای بڵاوکردنەوەی پەیامەکەی ئۆجەلان، هەوڵ و داواکان بۆ ئازادکردنی ناوبراو لە هەر چوار پارچەی کوردستان بەردەوامە، هاوکات لەگەڵ داواکەی کەجەکە، سەرۆک بارزانیش داوای ئازادکردنی دەکات.

ڕاگەیێنراوی فەرمی: کۆما جڤاکێن کوردستان (کەجەکە) لە ڕاگەیێنراوێکدا ڕایانگەیاندووە، ئۆجەلان زیاتر لە پەنجا ساڵە ڕابەرایەتی ئەوان دەکات و داوا دەکەن سیستمی ئەشکەنجەی جەستەیی ئیمڕالی کۆتایی بێت و ئیمڕالی نەمێنێت.

لە بەشێکی دیکەی ڕاگەیێنراوەکەی کەجەکە ئەمانەش هاتوون:

٠ ئەو نەورۆزەی گەلی کورد پێشکەشی مرۆڤایەتی کردووە، جەژنێکی هەرە کۆنی مێژوویی مرۆڤایەتییە، نەورۆز بووتە سیمبولی بەرخۆدان لە بەرامبەر ستەمکاری (زووحاک)ـدا.

٠ گەلی کوردستان ئافرێنەری نەورۆزە، بۆیە بەشێوەیەکی سرووشتی لە ناخی دڵەوە بە گەرمایی نەورۆز ژیان دەکات، زاڵم و  ستەمکارەکان بە درێژایی مێژوو هەوڵیان داوە گەلی کورد لەناوبەرن، لە بەرامبەردا گەلی کوردستان بە ڕۆحی نەورۆز بەرخۆدانی کردووەو پارێزگاری لە بوونی خۆی کردووە.

٠ ئەمساڵ بانگی ئاشتیی و کۆمەڵگەی دیموکراتی ئۆجەلان واتایەکی نوێی بە نەورۆز بەخشی.

باکگراوند: ڕۆژی 2025-02-27، شاندی ئیمڕالی لە ئیستەنبووڵ پەیامی ئاشتی عەبدوڵڵا ئۆجەلان، ڕێبەری زیندانیکراوی پەکەکەیان بڵاوکردەوە کە داوا دەکات پەکەکە لە کۆنگرەیەکدا خۆی هەڵوەشێنێتەوە.