کارمەندانی سەنتەری هەماهەنگیی فریاکەوتنی 122 هەراسان دەکرێن

ئاڤا نیوز

بە ئامانجی دابینکردنی فریاگوزاریی خێرا لە تەواوی هەرێمی کوردستان، وەزارەتی تەندروستی هێڵێکی گەرمی دیارکردووە کە ژمارە 122یە، بەڵام کارمەندانی ئەو هێڵە گلەییان هەیە کە لەلایەن هەندێک کەسەوە بێزار دەکرێن. 

وێنە گەورەکە: ئەو هێڵە گەرمەی کە وەزارەتی تەندروستی دیارکردووە لە شارەکانی هەولێر و سلێمانی و دهۆک و هەڵەبجە کاردەکات و چارەخوازان و ئەوانەی تووشی ڕووداوێکی لەناکاو دەبن دەتوانن پەیوەندی بەو هێڵەوە بکەن و داوای فریاکەوتنی خێرا بکەن.

لێدوانی فەرمی: هیوا ئەحمەد، بەرپرسی هۆبەی فریاکەوتنی خێرایی هەولێر بە ئاڤای میدیای ڕاگەیاند، ئێمە 24 کاتژمێر لە ئەرکداین و خزمەتی هاونیشتمانیان دەکەین، بەڵام بەشێک لە هاووڵاتیان بەمەبەستی ڕابورادن و کات بەسەربردن پەیوەندیمان پێوەدەکەن و ئێمەش و هێڵەکەش سەرقاڵ دەکەن کە دەبێتە هۆی ئەوەی لەوکاتەدا نەتوانین وەڵامی چارەخوازان بدەینەوە. 

- تەنها لەماوەی یەک ساڵدا زیاتر لە 45 هەزار پەیوەندی بە هێڵی گەرمی 122ی هەولێر کراوە، و 20٪ی ئەم پەیوەندیانەش قسەی نەشیاویان کردووە، تا ئاستی هەڕەشەکردنیش. 

- بەڕێوەبەرایەتی گشتیی تەندروستی هەولێر و پۆلیسی هەولێر لەسەر هێڵن بۆ دۆزینەوەی ئەو کەسانە، تاوەکو ڕووبەڕووی دادگایان بکەنەوە.