جەهەپە: ئەکرەم ئیمامئۆغلو کاندیدە بۆ وەرگرتنی پۆستی سەرۆککۆماری تورکیا

ئاڤا نیوز

 

ئەکرەم ئیمام ئۆغڵو، سەرۆکی گەورە شارەوانی ئیستەنبووڵ کە ئێستا لە زیندانە، لە هەڵبژاردنێکی پێشوەختە کە جەهەپە ڕێکیخستبوو، بە دەنگی نزیکەی 15 ملیۆن کەس بەفەرمی لەلایەن پارتی جەهەپەوە وەک کاندیدی سەرۆککۆماری تورکیا دەستنیشانکرا.

 

 چیرۆکی سەرەکی: ڕۆژی یەکشەممە، کاتژمێر 8ی بەیانی تاوەکو 7:00ی ئێوارە، پڕۆسەی دەنگدانی پێشوەختەی لە 81 پاریزگا و 973 شارۆچکەی تورکیا، بە بەشداری 15 ملیۆن هاووڵاتی لە تورکیا بۆ کاندیدکردنی پۆستی سەرۆککۆماری تورکیا بەڕێوەچوو.

 

ڕاگەیێندراوی فەرمی: ئۆزگور ئۆزێل، سەرۆکی جەهەپە ڕایگەیاند: یەک ملیۆن و 673 هەزار ئەندامی جەهەپە لە دەنگدانی پێشوەختە دەنگییان داوە، هاوکات لەکۆیی ئەو ژمارە دەنگدەرەی دەنگیانداوە 13 ملیۆن و 211 هەزار هاووڵاتی دەنگیان ئیمام ئۆغڵو داوە بە کۆی گشتیی دەنگەکانی بووەتە 14 ملیۆن و 850 هەزار دەنگ، ئیتر کاتی هەڵبژاردنی پێشوەختە بۆ دیاریکردنی سەرۆککۆماری داهاتووی تورکیا.

 

کاریگەریی و لێکەوتەکان: ئایا زیندانبوونی ئەکرەم ئیمام ئۆغڵو ڕێگری دەکات لە کاندیدبوونی؟، جەهەپە هەڵسەنگاندنی سەبارەت بەو بابەتە کردووە و ڕایگەیاند، فەرمانی دەستگیرکردنی ڕێگری ناکات لە کاندیدکردنی بۆ وەرگرتنی پۆستی سەرۆککۆمار، بەڵام هەڵوەشاندنەوەی بڕوانامەکەی ڕێگری دەکات لە کاندیدبوونی ئەمەش پرسێکی یاساییە.