یەكەمین دیداری پەروەدەیی لە ڕانیە بەڕێوەدەچێت

ئاڤا نيوز 

بە ئامادەبوونی ئالان حەمەسەعید، وەزیری پەروەردەی حكومەتی هەرێمی كوردستان، یەكەمین دیداری پەروەردەیی لە ڕانیە بەڕێوەدەچێت.

لێدوانی فەرمی: ئالان حەمە سەعید، وەزیری پەروەردەی حكومەتی هەرێمی كوردستان، لە دیدارەكەدا ڕایگەیاند: دەمانەوێت پرۆسەی پەروەردە و فێركاری بگەیەنینە ئاستێكی بەرز و بتوانین قوتابییان بكەینە سەنتەر و رۆڵی مامۆستایانیش بكەینە ڕاهێنەر و فێركار.

زانیاریی زیاتر: مەبەست لەم دیدە نوێیە ئەوەیە كە لە رێگەی میتۆد و مۆدێلە تازەكانی وانەوتنەوەوە پێویستە قوتابی سەنتەر بێت و مامۆستایان هاریكاری فێركار بن. وەزیری پەروەردە وای گوت.

لەلایەكی دیكەوە: دانا ڕەزگەیی، بەڕێوەبەری مەشق و ڕاهێنانی ڕاپەڕین بە ئاڤا نیوزی ڕاگەیاند: ئامانجمان لە ڕێكخستنی دیدارەكە درووستبوونی كاریگەریی و خۆگونجاندنە لەنێوان پەروەدە و پێشكەوتنە تەكنەلۆژییەكانی سەردەم  بەتایبەت سۆشیال میدیا.

ئەوەی پێویستە بیزانیت: ئەمە یەكەم دیداری پەروەردەییە لە سنوری بەڕێوەبەڕایەتی گشتیی پەروەردەی ڕاپەڕین.