ئەمریکا: لەگەڵ ڕووسیا ڕێککەوتین

ئاڤا نیوز

کۆشکی سپی ڕایگەیاند، ئەمریکا و ڕووسیا ڕێککەوتن لەسەر نەهێشتنی مەترسی لەسەر کەشتییە بازرگانییەکان لە دەریای ڕەشدا و پێکەوە کاردەکەن بۆ ئەوەی لە ئۆکراینا ئاشتی بێتە ئاراوە.

ڕاگەیێنراوی فەرمی: کۆشکی سپی ڕایگەیاند: ئەمریکا و ڕووسیا ڕێککەوتوون لەسەر دەستەبەرکردنی سەلامەتی گەشتکردن و نەهێشتنی بەکارهێنانی هێز و ڕێگریکردن لە بەکارهێنانی کەشتییە بازرگانییەکان بۆ مەبەستی سەربازی لە دەریای ڕەشدا.

- ئەمریکا یارمەتیدەری ڕووسیا دەبێت بۆ دەستپێکردنەوەی هەناردەکردنی بەرهەمە کشتوکاڵی و پێداویستیەکانی و کەمکردنەوەی تێچووەکانی.

- ئەمریکا و ڕووسیا ڕێککەوتن لەسەر پەرەپێدانی ڕێوشوێنی جێبەجێکردنی ڕێککەوتنەکەی سەرۆک ترەمپ و سەرۆک پوتین بۆ نەهێشتنی هێرشکردنە سەر دامەزراوە وزەییەکانی ڕووسیا و ئۆکراینا.

- ئەمریکا و ڕووسیا پێشوازی لە وڵاتانی دیکە دەکەن بە ئامانجی پشتیوانیکردن لە جێبەجێکردنی ڕێککەوتنەکان لە کەرتی وزە و دەریادا.

- ئەمەریکا و ڕووسیا بەردەوام دەبن لە کارکردن بۆ گەیشتن بە ئاشتییەکی بەردەوام لە ئۆکراینا.

ئەوەی پێویستە بیزانیت: ئەمریکا جەخت لەوەدەکاتەوە جەنگ لەلایەن ڕووسیا و ئۆکراینا بوەستێنرێت، وەک هەنگاوێکی پێویست بۆ گەیشتن بە ئاشتی بەردەوام. بۆ ئەو مەبەستەش ئەمریکا بەردەوام دەبێت لە ئاسانکاریکردن لە دانوستانەکانی نێوان هەردوولا بۆ گەیشتن بە بڕیارێکی ئاشتیانە، هاوتەریب لەگەڵ ئەو ڕێککەوتنانەی لە ڕیاز ئەنجامدراون.