هەواڵگریی ئەمریکا: چین مەترسیی سەرەکییە لەسەر وڵاتەکەمان

ئاڤا نیوز

 

بەپێی ڕاپۆرتێکی هەواڵگریی ئەمریکا، چین هەڕەشەی سەرەکییە بۆ سەر بەرژەوەندییەکانی ئەمریکا لەسەر ئاستی جیهان، ڕاپۆرتەکە دەشڵێت، بەیژینگ لە توانا سەربازی و ئەلیکترۆنیەکانیدا پێشکەوتن بەدەستدەهێنێت.

 

بڵاوکراوەی فەرمی: بەگوێرەی ڕاپۆرتی ھەڵسەنگاندنی ساڵانەی ھەڕەشەی بەیژینگ لەلایەن کۆمەڵگەی ھەواڵگریی ئەمریکا، "فشاری زۆرەملێ"ـی بەیژینگ دژی تایوان و "ئۆپەراسیۆنە ئەلیکترۆنییە بەرفراوانەکان دژی ئامانجەکانی ئەمریکا" نیشاندەری پەرەسەندنی مەترسییەکانی ئەو وڵاتە بۆ سەر ئاسایشی نیشتمانیی ئەمریکا بوون.

 

زانیاریی زیاتر: "چین هەمەلایەنەترین و بەهێزترین هەڕەشەی سەربازی دەخاتە سەر ئاسایشی نەتەوەیی ئەمریکا و بەیژینگ بەردەوام دەبێت لە فراوانکردنی چالاکییەکانی بۆ لاوازکردنی ئەمریکا لە ناوخۆ و جیهانیدا". ڕاپۆرتەکەی هەواڵگریی ئەمریکا وادەڵێت.

 

لێدوانی فەرمی: تولسی گابارد، بەڕێوەبەری هەواڵگریی نیشتمانیی ئەمریکا ڕایگەیاند، "سوپای چین بەردەوامە لە نیشاندانی توانا پێشکەوتووەکانی، لەوانە چەکی هایپەرسۆنیک، فڕۆکەی جەنگی، ژێردەریایی پێشکەوتوو". ئەو دەشڵێت، ئەو وڵاتە بەتواناترین ڕکابەری ستراتیژی واشنتنە.

 

بە تەنیشت ئەم بابەتەوە: هاوکات، ڕووسیا هاوشانی ئێران، کۆریای باکوور و چین هەوڵدەدات لەڕێگەی هەڵمەتی بە ئەنقەستەوە ململانێی ئەمریکا بکات، بۆ نموونە جەنگی ئۆکراینا و ڕووسیا وانەیەکی گرنگ بووە بۆ ڕووسەکان تا زانیاریی وردییان لەسەر چۆنێتی بەرەنگاربوونەوەی چەک و هەواڵگریی وڵاتانی ڕۆژئاوا دەستبکەوێت.