خواست لەسەر چاندنی گوڵ زیاتر بووە

ئاڤا نیوز

لەگەل هاتنی وەرزی بەهار خواست لەسەر گوڵ زیاتر بووە و نرخی هەندێ جۆری گوڵ بەرز بووەتەوە.

وێنە گەورەکە: بەهۆی ئەوەی گوڵ و دار و درەخت لە وەرزی بەهار گەشە دەکەن و وەرزی زێڕینی چاندنە، خواست لەسەر گوڵ زیاتر بووە و نەمامگەکانیش بڕێکی زۆری جۆرەکانی گوڵ و نەمامیان نمایشکردووە.

لێدوانی فەرمی : عوسمان زرار خاوەنی یەکێک لە نەمامگەکان لە هەولێر بە ئاڤامیدیای گوت، ئێستا وەرزی زێڕینە بۆ چاندنی گوڵ و نەمام ، بەهۆی زۆربوونی خواستیش لەسەر گوڵ لەو وڵاتانەی گوڵی لێوە هاوردە دەکرێت کەمێک نرخی گوڵیان زیاتر کردووە ، بەڵام پێشبینی دەکرێت ئەم بەرزبوونەوەیە لە ماوەیەکی کەمدا بگەڕێتەوە باری ئاسایی خۆی.

ئەوەی پێویستە بیزانیت: جگە لەو گوڵانەی لە ناوخۆی عێراق بەرهەم دەهێنرێن لە وڵاتانی ئێران، تورکیا، هۆڵەندا، ئیسپانیا و ئیتاڵیا گوڵ هاوردە دەکرێن.