وەزارەتی بازرگانی: هەوڵی زیادکردنی وەرگرتنی گەنمی جووتیاران دەدەین

ئاڤا نیوز

بەغدا ئەمساڵ بڕی 400 هەزار تۆن گەنمی جووتیارانی کوردستان وەردەگرێت کە بڕەکەی لە ساڵی ڕابردوو کەمترە. وەزارەتی بازرگانیی هەرێمی کوردستانیش دەڵێت، هەموو هەوڵێک دەدەین بۆ زیادکردنی بڕی وەرگرتنی گەنمی جووتیارانی کوردستان. 

وێنە گەورەکە: ئەم ساڵ جووتیاران تووشی دوو گرفت دەبنەوە، هەندێکیان بەهۆی کەمی بارانەوە کە بەشێک لە گەنمەکەیان وشک بووە، بەشێکی دیکەیان بەهۆی ئەوەی گەنمەکەیان ئاو دەدەن، خەرجییەکی زۆریان کردووە، ترسیان هەیە ئەمساڵ عێراق بەرهەمەکەیان وەرنەگرێت.

لێدوانی فەرمی: نەوزاد شێخ کامیل، بەڕێوەبەری گشتیی لە وەزارەتی بازرگانی بە ئاڤای وت، "بەردەوام لەسەر خەتین و گفتوگۆ لەگەڵ وەزارەتی بازرگانی عێراق دەکەین، بۆ ئەوەی بڕی وەرگرتنی گەنمی جووتیارانی کوردستان زیاد بکەین، چونکە ئەو بڕەی ئەمساڵ دیاری کراوە زۆر کەمە".

- ئەمساڵ حکومەتی عێراق بڕی 400 هەزار تۆن گەنمی دیاری کردووە لە جووتیارانی کوردستان وەریبگرێت، بەڵام "بەپێی پێشبینی ئێمە گەنمی جووتیارانی کوردستان لەو بڕە زیاترە".

- بەغدا ساڵی ڕابردوو بڕی 700 هەزار تۆن گەنمی لە جووتیارانی کوردستان وەرگرتووە