برای سەرۆکی حووسییەکان لە هێرشێکی ئاسمانی ئەمریکا کوژرا

 

ئاڤا نیوز

ڕۆژی پێنجشەممە، لە ئەنجامی هێرشێکی ئاسمانی ئەمریکا بۆ سەر پێگە و بارەگاکانی حووسییەکانی یەمەن لە چەند ناوچەیەکی جیاوازی ئەو وڵاتە، برای سەرۆکی حووسییەکان کوژرا.

چیرۆکی سەرەکی: هێرشەکانی ئەمریکا بۆ سەر حووسیەکانی یەمەن بەردەوامە و تائێستا چەند سەرکردەیەکی دیاری حووسی کوژراون، سەرەڕای داوا کردنی ئاگربەست و دانوستان لە لایەن حووسیەکانەوە، بەڵام ئەمریکا بەردەوام دەبێت لەسەر هێرشەکانی.

ڕاگەیێنراوی فەرمی: ڕۆژی پێنجشەممە 27-3-2025، حووسییەکانی یەمەن لە ڕاگەیێنراوێکدا کوژرانی چەند سەرکردەیەکی دیار لە ناویاندا عەبدولخالق بەدرەدرین،  حووسی برای سەرۆکی حووسییەکان، عەبدولمەلیک حووسی کە وەک فەرماندەیەکی سەربازی کاری کردووە بەهۆی هێرشێکی ئاسمانی ئەمریکا پشتڕاستکردەوە.

لێدوانی فەرمی: وەزاح دەبیش، وتەبێژی فەرمی هێزە هاوبەشەکانی یەمەن ڕایگەیاند: لە ئەنجامی  هێرشەکانی ئەمریکا بۆ سەر حووسییەکان، چەندین سەرکردەی دیاری بزووتنەوەکەمان کوژراون لە وانەش محەممەد عەبدولکەریم غەماری، سەرۆک ئەرکان و مەنسور ئەحمەد سەعدی، فەرماندەی هێزی دەریایی لەگەڵ نۆ کەسی دیکە.

لە لایەکی دیکەوە: چارەنووسی چەند سەرکردەیەکی حووسی کە بەرپرسن لە سیستمی مووشەک و فڕۆکەی بێ فڕۆکەوان بەهۆی بۆردومانە چڕەکانی ئەمریکا تا ئێستا دیار نییە.

ژمارەکان وا دەڵێن: وتەبێژی فەرمی هێزە هاوبەشەکانی یەمەن ئاماژەی بەوە کرد لە 2025-03-15، لە سەرەتای دەستپێکردنی ئۆپەراسیۆنەکەی ئەمریکا، ژمارەی قوربانیان 150 کەسی تێپەڕکردووە کە زۆربەیان سەرۆک و سەرکردەی ئەو بزووتنەوەن.