ئەمڕۆ مووچەی سێ وەزارەت و پێنج توێژ دابەش دەكرێت

ئاڤا نیوز

بەپێی لیستی مووچەی مانگی سێی وەزارەتی دارایی، ئەمڕۆ دابەشكردنی مووچەی مانگی سێ دەستپێدەكات و چەند توێژێك مووچەكانیان بە كاش وەردەگرن هاوكات فەرمانبەرانی سێ وەزارەتیش لەڕێگەی هەژماری منەوە مووچەكانیان وەردەگرن.

زانیاریی بەدەستهاتوو: بەپێی لیستی مووچەی مانگی سێ كە لەلایەن وەزارەتی داراییەوە دوێنێ بڵاوكرایەوە، ئەمڕۆ پێنجشەممە 2025-03-27، هەریەك لە خانەنشینانی شارستانی، خاوەن پێداویستییە تایبەتەكان، زیندانییە سیاسییەكان، بەركەوتووانی  كیمیاباران و كەسوكاری شەهیدان و ئەنفالكراوان مووچەی مانگی سێ بە كاش وەردەگرن.

لە لایەكی دیكەوە: بەپێی ڕاگەیێنراوی تیمی هەژماری من، هەر ئەمڕۆ پێنجشەممە فەرمانبەرانی هەر سێ وەزارەتی پەروەردە، خوێندنی باڵا و تەندروستی، كورتە نامەیان پێدەگات و دەتوانن مووچەكانیان لە ئەی تی ئێمەكان ڕابكێشن.

ئەوەی پێویستە بیزانیت:  لە سەرجەمی یەك ملیۆن سوودمەند تاوەكو ئێستا 732 هەزار فەرمانبەر و مووچەخۆر لە پڕۆژەی هەژماری من تۆمار كراون، 405 هەزار كارتی بانك دابەش كراون و  ئەم مانگە 313 هەزار مووچەخۆر مووچەكانیان لەڕێی پڕۆژەی هەژماری منەوە وەردەگرن.

ئەمەش بزانە: تاوەكو ئێستا 550 ئەی تی ئێم لە 200 شوێنی جیا جیای سەرتاسەری هەرێمی كوردستان دانراون.