ئێران ئامادەیی خۆی بۆ دانووستانی ناڕاستەخۆ لەگەڵ ئەمریکا دەردەبڕێت

ئاڤا نیوز

 

ڕاوێژکاری عەلی خامنەیی، ڕێبەری باڵای کۆماری ئیسلامی ئێران، باس لەوەدەکات کە وڵاتەکەی ئامادەیە بۆ دانووستانی ناڕاستەوخۆ لەگەڵ ئەمریکا. 

 

وێنە گەورەکە: سێشەممە ڕابردوو، دۆناڵد ترەمپ، سەرۆکی ئەمریکا لە کۆنگرەیەکی ڕۆژنامەوانیدا ڕایگەیاند، ئێران تەنها دوو هەڵبژاردنی هەیە، دانووستان یاخود خۆئامادەکردن بۆ هێرشمان، دوا بەدوای ئەوە وەزیری دەرەوەی ئێران ڕایگەیاند، ئامادەی دانووستانی ناڕاستەوخۆین لەگەڵ ئەمریکا. 

 

ڕاگەیینراوی فەرمی: کەمال خەرازی، ڕاوێژکاری عەلی خامنەیی و سەرۆکی ئەنجوومەنی جێبەجێکردنی پەیوەندییەکانی دەرەوەی ئێران ڕایگەیاند: ئێران هەموو ڕێگەکانی بۆ چارەسەری ناکۆکییەکانی لەگەڵ ئەمریکادا نەبەستووە و ئامادەی دانووستانی ناڕاستەوخۆیە لەگەڵ ئەمریکا .

 

لەلایەکی دیکەوە: ستیڤن ڤیتکۆڤ، نوێنەری تایبەتی ئەمریکا لە ڕۆژهەڵاتی ناوەڕاست، ڕۆژی 23-3-2025 لە کەناڵی فۆکس نیوزی ئەمریکی باسی لەوە کرد؛ نامەکەی دۆناڵد ترەمپ بۆ خامنەیی هەوڵمانە بۆ دووربوون لە هێرشی سەربازی دژی ئێران.