سعودییە داوا لە هاووڵاتییانی وڵاتەکەی دەکات چاودێری مانگ بکەن

ئاڤا نیوز

 

دادگای باڵای سعودییە داوا لە موسڵمانانی وڵاتەکەی دەکات ئێوارەی ڕۆژی شەممە کۆبننەوە بۆ بینینی مانگ و دیاریکردنی وادەی جەژنی ڕەمەزان.

ڕاگەیێنراویی فەرمی: دادگای باڵای سعودییە داوای لە موسڵمانانی سەرتاسەری شانشینی سعودییە کرد ئێوارەی ڕۆژی شەممە 29-3-2025 کۆبننەوە بۆ بینینی مانگ، بەمەبەستی ڕاگەیاندی جەژنی ڕەمەزان.

بۆچی گرنگە: بڕیارەکە یارمەتیدەر دەبێت بۆ پشتڕاستکردنەوەی ئەوەی کە جەژنی ڕەمەزان دەکەوێتە ڕۆژی یەکشەممە یاخود دووشەممە.

ئەمەش بزانە: ئەگەر ڕۆژی یەکشەممە ببێتە یەکەم ڕۆژی جەژن، مانگی ڕەمەزانی ئەمساڵ 29 رۆژ دەبێت، بەڵام ئەگەر ڕۆژی دووشەممە ببێتە یەکەم ڕۆژی جەژن، ئەوا مانگی ڕەمەزانی ئەمساڵ 30 ڕۆژ دەبێت.