لە شەقامەکانی لەندەن بەڵگەنامەی نهێنی سەربازیی بەریتانیا دەدۆزرێتەوە

 

ئاڤا نیوز

هاندەری یانەیەکی تۆپی پێی بەریتانیا لە شەقامێکی لەندەن بەڵگەنامەی نهێنی سەربازی ئەو وڵاتە دەدۆزێتەوە، وەزارەتی بەرگری بەریتانیش دەڵێت، لێکۆڵینەوەی بەپەلە لەو ڕووداوە دەکەن.

چیرۆکی سەرەکی: هاندەرێکی یانەی نیوکاسڵ یونایتد بەناوی مایک گیبارد، لە ڕۆژی 16ـی ئادار چووە بۆ سەیری یارییەکی تۆپی پێ، بەڵام لە ڕێگایدا بۆ یاریگاکەدا هەندێک بەڵگەنامەی زۆر نهێنی سەربازی بەریتانیا دەدۆزێتەوە.

ڕاگەیێنراوی فەرمی: وەزارەتی بەرگریی بەریتانیا ڕایگەیاند، دوای ئەوەی هاندەرێکی تۆپی پێ کۆمەڵێک بەڵگەنامەی سەربازی هەستیاری لەسەر شەقامێکی باکووری ئینگلتەرادا دۆزیەوە، بەپەلە دەستیان بە لێکۆڵینەوە کردووە.

زانیاریی زیاتر: بەڵگەنامە سەربازییەکان وردەکارییان سەبارەت بە پلەی سەربازەکان، ئیمەیڵەکانیان، شەفتەکانی کارکردنیان، تۆماری چەکەکانیان و تەنانەت چۆنێتی دەستگەیشتن بە زانیارییەکانی بنکە سەربازییەکانی بەریتانیای تێدابووە.

ئەوەی پێویستە بیزانیت: بەپێی ڕێنماییەکانی حکومەتی بەریتانیا، بەڵگەنامە هەستیارەکان دەبێ بسووتێنرێن، یان بکرێنە ناو ماددەی کیمیایی یان پارچە پارچە بکرێن، بەڵام لە ماوەی ڕابردوودا چەند جار بەڵگەنامە نهێنییەکانی بەریتانیا لە شوێنە گشتییەکان دۆزراوەتەوە.