قەتەر هەڕەشەی دەرکردنی سەرکردەکانی حەماس دەکات

ئاڤا نیوز

هەرچەندە دانوستانەکانی نێوان ئیسرائیل و حەماس وەستاون، بەڵام بڕیارە یەكەم و دووەم ڕۆژی ڕەمەزان بەشێوەیەكی كاتی  شەڕ لە عەززە بووەستێت. قەتەریش هۆشداری بە سەرکردەکانی حەماس دەدات بە گرنگییەوە دانوستان بکەن.

وێنە گەورەكە: ئیسرائیل و حەماس ناتوانن ڕێکبکەون لەسەر ئاگربەستێک، بۆیە نێوەندگیرانی عەرەب دەیانەوێت هەوڵی ئاگربەستێکی کورتخایەن بدەن بۆ یەکەم و دووەم ڕۆژی ڕەمەزان، ڕۆژنامەی واڵ ستریت جێرناڵی ئەمریکی لە ڕاپۆرتێکیدا وادەڵێت.

 

ئەوەی پێویستە بیزانیت: نێوەندگیرانی عەرەب کە بریتین لە قەتەر و میسر هەوڵ دەدەن پرۆپۆزەڵێکی ئاگربەست پێشکەش بکەن کە بریتییە لە 40 رۆژ لەبەرامبەر ئازادکردنی 40 بارمتەی ئیسرائیلی کە لە لای حەماسن، بەڵام بەهۆی سازش نەکردن لەلایەن ئیسرائیل و حەماس هەوڵی ئاگربەستە کورتخایەنەکە دەدەن.

 

لەبارەی دانوستانەکانەوە: حوسام بەدران، ئەندامی مەكتەبی سیاسیی حەماس كە ئاگاداری ناوەڕۆكی دانوستانەكانە دەڵێت: "لەڕاستیدا دانوستانەكان وەستاون، بەڵام ئێمە ئامادەین بەردەوامبین لە گفتوگۆکان".

هۆشداری بۆ حەماس: ئەگەر حەماس نیەتی جدی نەبێت لە دانوستان، سەركردەكان دەردەكەین و ڕێگەنادەین لە وڵاتەكەماندا بمێننەوە، چونكە دەبێت هەوڵی تەواوەتی بدرێت بۆ دانوستان ئەگەرنا ئەمە جێگەی قبوڵكردن نییە.

ئەوەی پێویستە بیزانیت: حەماس و ئیسرائیل خەمساردی لە ئاگربەست دەکەن و هەردوولا خواستیان هەیە دانوستانەکان دەستپێنەکەنەوە، ئەمەش بەهۆی ئەوەی هیچ كامیان ئامادەنین سازش لەسەر داواكارییەكانیان بكەن، بەڵام هەردوولایان خواستیان هەیە ڕۆژەكانی سەرەتای مانگی ڕەمەزاندا شەڕ بووەستێت.