بڕیاری لێخۆشبوون بۆ پێشینەی هاوسەرگیریی خاوەنپێداویستیی تایبەت دەرکرا

ئاڤا نیوز

 

لەسەر پێشنیازی وەزارەتی کار و کاروباری کۆمەڵایەتیی هەرێمی کوردستان، ئەنجوومەنی وەزیران بڕیاری لێخۆشبوونی بۆ پێشینەی هاوسەرگیریی خاوەنپێداویستی تایبەت واژۆ کرد.

 

ڕاگەیێنراوی فەرمی: وەزارەتی کار و کاروباری کۆمەڵایەتی ڕایگەیاند، لەسەر پێشنیازی وەزارەتەكەمان بە نووسراوی ژمارە 898-24 لە 6- 10- 2024   پشت بەستن بە حوکمەکانی ماددەی هەشتەم لە یاسای ئەنجوومەنی وەزیرانی هەرێمی کوردستان، لە کۆبوونەوەی ئەنجوومەنی وەزیران بریاردرا بە لێخۆشبوون لە گەڕاندنەوی بڕی پارەی پێشینەی هاوسەرگیری ماوە بۆ سوودمەندانی خاوەنپێداویستی تایبەت کە پێش ساڵی 2013 پێشینەی هاوسەرگیریان وەرگرتووە.

 

زانیاریی زیاتر: لە نووسراوەکەی ئەنجوومەنی وەزیران ئاماژە بەوەکراوە، وەزارەتی دارایی و ئابووری و وەزارەتی کار و کاروباری کۆمەڵایەتیی ڕێنمایی پێویست بۆ ئاسانکاری جێبەجێکردنی ئەم بڕیارە دەردەکەن.