لە هەولێر ئاگر لە کێڵگەیەکی پەلەوەر دەکەوێتەوە و زیانی 6 دەفتەر دۆلار لە خاوەنەکەی دەدات

ئاڤا نیوز

 

لە سنووری قەزای بەحرکە لە هەولێر ئاگر لە کێڵگەیەکی پەلەوەر کەوتەوە، وتەبێژی بەرگریی فریاکەوتنیش دەڵێت، "هێشتا ئاگرەکە کۆنترۆڵ نەکراوە".

 

لێدوانی فەرمی: شاخەوان سەعید، وتەبێژی بەرگریی شارستانیی هەولێر بە ئاڤا میدیای ڕاگەیاند: کاتژمێر 7:30ی سەرلەبەیانی ئەمڕۆ، ئاگر لە کێڵگەیەکی پەلەوەر لە گوندی گردە چاڵ لە سنووری قەزای بەحرکە کەوتەوە.

 

زانیاریی زیاتر: "لەبەر دووری شوێنی ئاگرەکە، تیمەکانمان درەنگ گەیشتنە شوێنی ڕووداوەکە، ئەمەش بووە هۆکاری ئەوەی درەنگ ئاگرەکە کۆنترۆڵ بکرێت و تەواوی کێڵگەکە بسووتێت". وتەبێژی بەرگریی شارستانی وادەڵێت.

 

ئەوەی پێویستە بیزانیت: خاوەنی کێڵگە پەلەوەرییەکە گومان دەکات بەهۆی کەمتەرخەمی کارمەندەکانیەوە ڕووداوەکە ڕوویدابێت، بۆیە ئاسایش و پۆلیس کامێرەکانی چاودێرییان بردووە و لێکۆڵینەوەیان لەگەڵ کارمەندەکان دەستپێکردووە، بەڵام هێشتا ڕوون نەبووەتەوە هۆکاری ڕووداوەکە چی بووە.

 

کاریگەری و لێکەوتەکان: خاوەنی کێڵگەکە زیانەکانی بە شەش دەفتەر دۆلار دەخەمڵێنێت.