باخچەلی: پێویستە پەکەکە بە هەموو پێکهاتەکانییەوە هەڵبوەشێنرێتەوە

ئاڤا نیوز

سەرۆکی پارتی بزووتنەوەی نەتەوەیی (مەهەپە) داوا دەکات، پەکەکە لە کۆنگرەکەیدا بە هەموو پێکهاتەکانییەوە خۆی هەڵوەشێنێتەوە.

وێنەگەورەکە: ڕۆژی 31-3-2025، لە وتارێکی دەوڵەت باخچەلی کە لە ڕۆژنامەی فەرمی پارتەکەی بڵاوکراوەتەوە، داوای کرد پەکەکە لە زووترین کاتدا کۆنگرە ببەستێت و تێیدا بە هەموو پێکهاتەکانییەوە خۆی هەڵبوەشێنێتەوە بەمەبەستی بەدیهێنانی تورکیایەکی بێ تیرۆر.

لێدوانی فەرمی: دەوڵەت باخچەلی، سەرۆکی پارتی 'مەهەپە' لە وتارێکدا گوتی، "ئامانجی 'تورکیایەکی بێ تیرۆر' نزیکە لەوەی ببێتە ڕاستی و ئاشتی و سەقامگیری و خەریکە دەبێتە هەمیشەیی، ژیانێکی سیاسی و کۆمەڵایەتی نوێ لە وڵاتدا پێکدێت".

- باخچەلی بانگەوازەکەی عەبدوڵڵا ئۆجەلان، ڕێبەری پەکەکەی بە مێژوویی ناوبرد و دەڵێت، دوای بانگەوازەکە، خەڵک بە ئومێدەوە چاوەڕوانە، "بەدەست ئێمەیە کە ئەم چاوەڕوانییە بکەینە خۆشی نەک نائومێدی".

- لە وتارەکەیەدا باخچەلی داوای نووسیینەوەی دەستورێکی نوێ دەکات کە نوێنەرایەتیی هەموو تورکیا بکات.

ئەوەی پێویستە بیزانیت: دوای بانگەوازەکەی عەبدوڵڵا ئۆجەلان، بڕیار وایە پەکەکە کۆنگرەی هەڵوەشاندنەوەی خۆی ببەستێت، بەڵام تا ئێستا کاتێکی دیاری کراوی بۆ دانەنراوە.