ترەمپ: دوای سعودییە سەردانی قەتەر و ئیمارات دەکەم

ئاڤا نیوز

 

دوای ئەوەی ڕاگەیێنرا دۆناڵد ترەمپ، سەرۆکی ئەمریکا سەردانی سعودییە دەکات، ئەمڕۆ بە ڕۆژنامەنووسانی ڕاگەیاند، سەردانی قەتەر و ئیماراتیش دەکات.

 

وێنە گەورەکە: لە دوای دەستبەکاربوونی دۆناڵد ترەمپ، وەک سەرۆکی ئەمریکا یەکەم گەشتی دەرەوەی وڵات بۆ سعودییە دەکات ئەمەش گرنگی پێگەی ئەو وڵاتە لەلایەن ئەمریکاوە نیشان دەدات هاوکات دوای ئەوە سەردانی هەندێک وڵاتی دیکەی عەرەبی دەکات.

لێدوانی فەرمی: دۆناڵد ترەمپ، سەرۆکی ویلایەتە یەکگرتووەکانی ئەمریکا سەبارەت بە سەردانەکەی بۆ سعودییە ڕایگەیاند: ''لەوانەیە لەم مانگە یان لە مانگی داهاتوو، سەردانی سعودییە بکەم دوای ئەوەش سەردانی چەند وڵاتێکی ڕۆژهەڵاتی ناوەڕاست دەکەم''

 

زانیاریی زیاتر: ئەم سەردانەی ترەمپ بۆ سعودییە بۆ زیاتر پەرەپێدان بە پەیوەندییە بازرگانییەکان و وەبەرهێنانی زیاترە لەو وڵاتە هاوکات بەهێز کردنی پەیوەندییە دیپلۆماسییەکانی نێوان هەردوو وڵات. 

 

لەلایەکی دیکەوە: ئیدارەی دۆناڵد ترەمپ بەڵێنی داوە هەنگاوی خێرا بنێت  بۆ ڕازیکردنی سعودیە بۆ ئاساییکردنەوەی پەیوەندییەکانی لەگەڵ ئیسرائیل.