ئەمریکا سزای نوێ بەسەر پیشەسازیی درۆنی ئێرانیدا دەسەپێنێت

ئاڤا نیوز

وەزارەتی گەنجینەی ئەمریکا سزای نوێ بەسەر شەش دامەزراوە و دوو کەس بە ناوەکانی 'حوسێن ئەکبەری' و 'ڕەزا ئومێدی' دا سەپاند کە سەر بە ئێران، چین و ئیماراتن و ڕۆڵیان هەبووە لە دابینکردن کەرەستەی پێویست بۆ پیشەسازیی درۆنی ئێران.

ڕاگەیێنراوی فەرمی: بەگوێرەی بەیاننامەیەکی گەنجینەی ئەمریکا، نووسینگەی کۆنترۆڵکردنی داراییە دەرەکییەکانی وەزارەتی گەنجینە بە هاوئاهەنگی لەگەڵ وەزارەتی داد سزاکە دەسەپێنن و ئەم کەس و کۆمپانیایانە سزا دەدات کە هاوکاری پیشەسازیی ئاسمانیی قودسی ئێرانن کە درووستکەری سەرەکیی درۆنی ئێرانییە.

ئەوەی پێویستە بیزانیت: ئەم سزا نوێیانەی ئەمریکا بەشێکن لە سیاسەتی 'ئەوپەڕی گوشار'ی ئەمریکا لە سەر ئێران کە ئەمریکا دەیەوێت لە ڕێگەیانەوە ئێران ناچار بکات ڕەفتارەکانی لە ناوچەکە بگۆڕێت.