بەهۆی ناڕەزایەتییەکانەوە تورکیا سزای مێتا دەدات

ئاڤا نیوز

کۆمپانیای مێتا ڕایگەیاند، بەهۆی پابەندنەبوون بە فەرمانەکانی حکومەت بۆ ڕاگرتنی ئەکاونتەکانی پەیوەست بە ناڕەزایەتییە بەرفراوانەکان دوای دەستبەسەرکردنی سەرۆکی شارەوانی ئیستەنبووڵ، "بڕێکی بەرچاو" لە تورکیا سزای پێبژاردنی بەسەردا سەپێنراوە.

چیرۆکی سەرەکی: بەهۆی بانگەشەکردن بۆ بایکۆتکردنی ئابووری تورکیا لە لایەن هەندیک ئەکاونتی سۆشیال میدیا لەو وڵاتە، دەساڵاتدارانی تورکیا داوایان لە کۆمپانیای مێتا کردبوو سزای ئەو ئەکاونتانە بدات و دایان بخات، بەڵام مێتا بەهۆی بابەتی ئازادی ڕادەربڕینەوە ڕەتیکردووەتەوە ئەو داوایە جێبەجێ بکات.

ڕاگەیێنراوی فەرمی: مێتا ڕایگەیاندووە کە ئەوان پێیانوایە ئازادی ڕادەربڕین مافێکی بنەڕەتییە و پێویستە پلاتفۆرمەکانیان شوێنێک بن کە بەکارهێنەران لە سەرانسەری جیهاندا بتوانن ئەم مافە بەکاربهێنن.

زانیاریی زیاتر: مێتا دەشڵێت، داواکارییەکانی حکومەت بۆ سنووردارکردنی قسەکردن بە شێوەی ئۆنلاین شانبەشانی هەڕەشەکانی داخستنی خزمەتگوزارییە ئۆنلاینەکان تووندن و کاریگەرییەکی ساردی لەسەر توانای خەڵک هەیە بۆ دەربڕینی بیروڕاکانی خۆیان".

هاوکات، مێتا ڕەتیکردەوە بڕی وردی سزاکە بخاتەڕوو.

باکگراوند: دوای دەستگیرکردنی ئەکرەم ئیمامئۆغڵو، سەرۆکی شارەوانی ئیستەنبووڵ، ماوەی زیاتر لە 10 ڕۆژە ناڕەزایەتی و گردبوونەوە لە شەقامەکانی  تورکیا دروست بووە.

قووڵتر: ناڕەزایەتییەکان لە تورکیا بەرەو قۆناغێکی نوێ چووە، ئێستا ئۆزگور ئۆزێل سەرۆکی ئۆپۆزسیۆن داوای بایکۆتکردنی ئەو کۆمپانیا بازرگانیانە دەکات کە گوایە نزیکن لە حکومەت.