باخچەلی دوای بڵاوبوونەوەی دەنگۆی گیان لەدەستدانی دەرکەوتەوە

ئاڤا نیوز

 

دەوڵەت باخچەلی، سەرۆکی مەهەپە، دوای دوو مانگ لە دەرنەکەوتنی بەهۆی نەخۆشییەوە، دەنگۆی گیان لەدەستدانی تۆڕە کۆمەڵایەتییەکانی تەنیبوو بەڵام ڕۆژی ڕابردوو جارێکی دیکە دەرکەوتەوە. 

 

چیرۆکی سەرەکی: بەر لە دوومانگی ڕابردوو. باخچەلی تووشی جەڵتەی دڵبوو دوای ماوەیەک لەمانەوە لە نەخۆشخانە دەنگۆی گیان لەدەستدانی سۆشیاڵ میدیا ئەو وڵاتەی تەواو داگیر کردبوو، بەڵام مەهەپە هەموو ئەو دەنگۆیانەی ڕەتکردووەتەوە.

 

زانیاریی زیاتر: باخچەلی دوای ماوەیەک لە دەرنەکەوتنی سەردانی گۆڕستانی ئاڵپارسلان تورکیش، سەرۆکی دامەزرێنەری پارتی بزووتنەوەی ناسیۆنالیستی لە ئەنقەرە کرد، کە ساڵیادی کۆچکردنی بوو. 

 

ئەوەی پێویستە بیزانیت: دەوڵەت باخچەلی، خاوەنی پێشنیاری پرۆسەی چارەسەری و ئاشتی نێوان تورک و کوردە، بوونی باخچەلی کاریگەری ڕاستەوخۆی لەسەر پەرەپێدانی پرۆسەکە و گەیشتن  بە ئەنجامێکی ئەرێنی بۆ کورد و حکومەتی تورکیا دروست دەکات.