ئومێد خۆشناو: بەم نزیکانە پۆندی زەرواو تەواو دەبێت

ئاڤا نیوز

یەکێک لە پڕۆژە گرنگەکانی دەڤەری زرارەتی کە پۆندێکی گەورەیە لە قۆناغی تەواوبووندایە، پارێزگاری هەولێریش لەوبارەیەوە دەڵێت 95%ی کارەکانی تەواوکراون.

وێنە گەورەکە: سەرۆکوەزیران مەسرور بارزانی لە وەرزی هاوینی ساڵی 2024 سەردانی ناوچەی زرارەتی کرد، بڕیاری دروستکردنی چەند پرۆژەیەکی ڕێگاوبان و دروستکردنی پۆندێکی گەورەی لە گوندی زەرواوی دەرکرد.

لێدوانی فەرمی: ئومێد خۆشناو، پارێزگاری هەولێر بە ئاڤا میدیای ڕایگەیاند: دوای بڕیارەکەی سەرۆکوەزیران، بەڕێوەبەرایەتییەکانی ڕێگاوبان و ئاودێری و ئاوی دەورووبەرمان ڕاسپارد، لەسەر بودجەی پەرەپێدانی پارێزگای هەولێر دەست بە جێبەجێکردنی ئەو پڕۆژانە و پۆندی زەرواو بکەن.

- پۆندی زەرواو بە بڕی 448 ملیۆن دینار و بەشێوەی بەڵێندەرایەتی لەسەر بودجەی پارێزگای هەولێر دەست بە جێبەجێکردنی کرا.

ئەوەی پێویستە بیزانیت: تاوەکو ئێستاش 95%ی کارەکانی پۆندەکە تەواو کراوە، لە ماوەیەکی نزیکدا کۆتایی بە کارەکانی پۆندەکە دێت و تەواو دەبێت.