بەهۆی گەشتێکی گرانبەها بەرپرسێکی باڵای ئێران لە کارەکەی دووردەخرێتەوە

ئاڤا نیوز

بەهۆی گەشتێکی گرانبەها بۆ جەمسەری بەستەڵەکی باشوور "ئەنتارکتیکا" جێگری سەرۆککۆماری ئێران لە کارەکەی دوورخرایەوە.

وێنە گەورەکە: شەهرام دابیری، جێگری سەرۆکی ئێران بۆ کاروباری پەرلەمان، بۆ کەیف و خۆشی لەگەڵ هاوسەرەکەی گەشتێک بۆ جەمسەری بەستەڵەکی باشوور "ئەنتارکتیکا" دەکات و لەسەر یەختێک وێنەیەکی خۆیان بڵاو دەکەنەوە، ئەمەش دەبێتە بابەت و دەنگدانەوە بەدوای خۆیدا دەهێنێت.

کاریگەریی و لێکەوتەکان:  دوای ئەوەی وێنەکەی جێگری پزیشکیان دەنگدانەوە بەدوای خۆیدا دەهێنێت، مەسعود پزیشکیان، سەرۆککۆماری ئێران جێگرەکەی لە پۆستەکەی دووردەخاتەوە، دەڵێت ئەگەر بە پارەی خۆیشی ئەم گەشتەی کردبێ، ئێستا گەشتەکە لەگەڵ بارودۆخی خەڵکی ئێران ناگونجێ و دەبێ کەمێک ڕەچاوەی گوزەرانی خەڵکی کردبا.

ئەوەی پێویستە بیزانیت: ئێران لەمێژوودا ئابوورییەکەی بە قەد ئێستا خراپ نەبووە و گوزەرانی خەڵکی وا  تێک نەچووە.