شێخ دارا: چوار شەپۆلی بارانبارین ڕوو لە هەرێمی کوردستان دەکات

ئاڤا نیوز

بەگوێرەی پێشبینییەکانی کەشوهەوا تاوەکو کۆتایی ئەم مانگە چوارشەپۆلی دیکەی بارانبارین ڕوو لە هەرێمی کوردستان دەکات.

لێدوانی فەرمی: شێخ دارا، پێشکەشکاری کەشوهەوا لە ئاڤا میدیا، ڕایگەیاند: شەپۆلەکانی دەریای سوور و کەنداو هەفتەیەکە لێمان نزیکبووەتەوە، لە سبەی یەکشەممەوە کاریگەری ئەم شەپۆلە لاواز دەبێت، بەڵام بارانبارین لە ناوچە جیاجیاکان بەردەوام دەبێت.

- بەوتەی شێخ دارا، کاریگەری تەرزەبارین و هەورە تریشقە لە تەوێڵە و بیارە و پشدەر و شارباژێر ماوە.

- لە ڕۆژی یەکشەممەوە بەرزترین پلەی گەرما 15 بۆ 25 پلە، نزمترین پلە 7 بۆ 15 پلە و ڕادەی شێ 60% بۆ 70% دەبێت، هەروەها خێرایی بای باشووری ڕۆژهەڵات لە یەک کاتژمێردا 11 بۆ 16 کیلۆمەتر دەبێت.

- هەفتە داهاتوو شەپۆلێکی دەریای سپی ناوەڕاست ڕوو لە ناوچەکانی هەرێمی کوردستان دەکات، بە دیاریکراوی لە هەشت و نۆی ئەم مانگەدا، بەڵام هەورە تریشقە و تەرزەی کەمتر دەبێت، سەرەڕای ئەوەش تاوەکو کۆتایی ئەم مانگە ئەگەری هاتنی چوار شەپۆلی بارانبارین بۆ ناوچەکانمان هەیە.