لەم هەفتەیەدا دەست بە دابەشکردنی بەشەخۆراکی مانگانە دەکرێت

ئاڤا نیوز

بەشەخۆراکی مانگانە گەیشتووەتە کۆگاکان و بڕیارە لەم هەفتەیەدا دەست بە دابەشکردنی بکرێت.

 

ئەوەی پێویستە بیزانیت: بریكاره‌كانى خۆراک له‌ سنوورى پارێزگای هه‌ولێر ئاگادار کراونه‌تەوە، سه‌ردانى به‌ڕێوه‌به‌رایه‌تیی بازرگانی و كه‌لوپه‌لى خۆراک بكه‌ن بۆ وه‌رگرتنى لیستى بریكارى خۆراک و ڕادەستکردنی پاره‌ى لیستى مانگى 3ـى 2024.

 

لێدوانی فەرمی: دلێر عەبدولواحید، بەڕێوەبەری دابەشکردنی خۆراکی هەولێر ئەمەی بۆ ئاڤا نیوز ڕایگەیاند: "لەم هەفتەیە دەست بە دابەشکردنی سەبەتەی خۆراک دەکرێت".

 

بۆچی گرنگە: لە مانگی ڕەمەزاندا چوار ماددەی دیکە بۆ بەشەخۆراکی مانگانە زیادکراوە و 10 ماددەی خۆراکی دابەش دەکرێن، کە یارمەتیدەر دەبێت لە کەمکردنەوەی بارگرانی لەسەر هاووڵاتیان. 

ئەمەش بزانە: ئەو 10 ماددەیەی دابەش دەکرێن پێکهاتوون لە: برنج، شەکر، زەیت، دۆشاوی تەماتە، ئارینۆک، نیسک، مەعکەڕۆنی، ئاردی سفر، شەعریە و نیشاستە.