تورکیا هەناردەکردنی لیمۆی ڕاگرت

ئاڤا نیوز

 

وەزارەتی بازرگانی تورکیا، هەناردەکردنی لیمۆی لە 8ی نیسانی 2025ەوە بەشێوەیەکی کاتی ڕاگرتووە، ئەمەش بەمەبەستی پاراستنی ئاستی بەرهەمهێنانی ناوخۆی و هاوسەنگی لە نێوان داواکردن و هەناردەکردن، کەشوهەوای سارد و بەستنی بەرهەمەکەش هۆکارێکی ترە بۆ ڕاگرتنی هەناردەکردنە. 

 

هۆکارە زانراوەکان: لە ماوەی ڕابردوودا، نرخی لیمۆ لە ناوخۆی تورکیا بەرزبووەوە، هەربۆیە وەزارەتی بازرگانی تورکیا بەمەبەستی ڕێگریکردن لە زیاتر بەرزبوونەوەی نرخەکە و دابین کردنی بڕی پێویست بۆ ناوخۆی تورکیا، ئەم بڕیارەی دەرکرد.

 

 ڕاگەیێنراوی فەرمی: وەزارەتی بازرگانی تورکیا ڕایگەیاند، لە بەرواری 8-4-2025ەوە بەشێوەیەکی کاتی هەناردەکردنی لیمۆ بۆ وڵاتان ڕاگیراوە، ئەگەر پێویستی کرد بە گوێرەی دۆخی بازاڕ و زیادبوونی داواکاری لەسەر لیمۆ، هەناردەکردن دەست پێدەکەینەوە.

 

زانیاریی بەدەستهاتوو: نرخی یەک کیلۆ لیمۆ لە نێوان 50-70 لیرەی تورکییە، بەگوێرەی ئەو زانیاریانەی دەست ئاڤا میدیا کەوتووە، ئەمڕۆ نرخی کیلۆیەک لیمۆ لە بازاڕەکانی تورکیا بە 70 لیرەی تورکی بووە، کە ئەم نرخی بۆ بازاڕی تورکیا زۆر گرانە، بەڵام چاوەڕێ دەکرێت، نرخەکەی دوای ڕاگرتنی هەناردە دابەزێت.