لە ماوەی چوار مانگدا زیاتر لە ملیۆنێک سووری گەڕاونەتەوە وڵاتەکەیان

ئاڤا نیوز

 

لە دوای ڕووخانی دەسەڵاتی بەشار ئەسەد، سەرۆکی پێشووی سووریا زیاتر لە ملیۆنێک هاووڵاتیی سووریا گەڕاونەتەوە سووریا.

  
وێنە گەورەکە: دوای کۆتایی هاتنی دەسەڵاتی بەشار ئەسەد لە سووریا لە 8-12-2024، ئەو هاووڵاتییە سووریانەی ئاوارەی وڵاتانی دەوروبەر ببوون بە لێشاو گەڕانەوە وڵاتەکەیان بەڵام جارێکی دیکە هۆشداری ئاوارەبوونیان دەدرێت.

 

بڵاوکراوەی فەرمی: کۆمیساریی باڵای پەنابەرانی نەتەوە یەکگرتووەکان بڵاویکردەوە، لە 8ی کانوونی یەکەمی ساڵی ڕابردووەوە تاوەکو ئێستا یەک ملیۆن و 400 هەزار ئاوارەی سووریا گەڕاونەتەوە وڵاتەکەیان.

 

زانیاریی زیاتر: بەهۆی نەبوونی پاڵپشتیی پێویست بۆ هاووڵاتییانی سووریا لە ڕووی دابینکردنی شوێنی مانەوە و پاراستنی ژیان و بژێوی ژیانی سەخت، لەو وڵاتە هۆشداری دەدرێت گەڕێکی دیکە ئاوارەبوون دەستپێبکاتەوە.

باکگراوند: بەپێی ئامارەکانی سەنتەری لێکۆڵینەوەی جسوور ژمارەی پەنابەرانی سووریا لە دەرەوەی وڵات, تا کۆتایی ساڵی 2023 گەیشتە نزیکەی شەش ملیۆن و 996 هەزار و 200 پەنابەر.